"ტოტენჰემის" 27 წლის სამხრეთაფრიკელი ნახევარმცველი, სტივენ პიენაარი, რომელსაც "დეზების" შემადგენლობაში სათამაშო პრაქტიკა აკლია, ზამთარში შესაძლოა, თავის ყოფილ კლუბში - "ევერტონში" დაბრუნდეს. ლივერპულური კლუბი შეტევის გაძლიერებას ცდილობს და ფეხბურთელის იჯარით დამატებას განიხილავს. "ევერტონს" ფინანსური პრობლემები მოთამაშეების შეძენის საშუალებას არ აძლევს.
პიენაარი "ევერტონში" 2007 წლიდან მიმდინარე წლამდე გამოდიოდა. ნახევარმცველმა საზარდულის ტრავმის გამო სამი თვე გამოტოვა და გამოჯანმრთელების შემდეგ "ტოტენჰემის" შემადგენლობაში მოედანზე მხოლოდ ევროპის ლიგის მატჩებში ჩნდებოდა.
