"ლივერპულის" მცველი დანიელ აგერი მიიჩნევს, რომ მისი გუნდისთვის ჯერჯერობით ყველაფერი დასრულებული არ არის. "ბლექბერნთან" დაზავების შემდეგ "წითლები" მეექვსე ადგილზე არიან და ლიდერს 14 ქულით ჩამორჩებიან."როდესაც შენს შანსს ვერ იყენებ, გამარჯვება შეუძლებელია. "ბლექბერნთან" შეხვედრაში მომენტები გვქონდა, ამიტომ ხელების ჩამოყრა ადრეა.
რა თქმა უნდა, სახარბიელო მდგომარეობაში არ ვართ, მაგრამ რას ვიზამთ? ისღა დაგვრჩენია უფრო მეტად შევუტიოთ, კიდევ უფრო მეტი მომენტი შევქმნათ.
ვფიქრობ, რომ მთელი მატჩის მანძილზე კარგად ვთამაშობდით. თუმცა სამწუხაროდ წარმატებამ ზურგი გვაქცია", - აღნიშნა დანიელმა.
