ინგლისის პრემიერლიგის მე-19 ტურში "მანჩესტერ იუნაიტედმა" "ოლდ ტრეფორდზე" პირველობის აუტსაიდერს "ბლეკბერნს" უმასპინძლა და 2:3 დამარცხდა. თავიდან, სტუმართაგან ორჯერ იაკუბუ აიეგბენი გამოირჩა, მასპინძელთა რიგებში კი საპასუხო დუბლი დიმიტარ ბერბატოვმა გაიფორმა. გამარჯვების გოლი კი მე-80-ე წუთზე გრანტ ჰენლიმ გაიტანა.
აღსანიშნავია, რომ "წითელმა ეშმაკებმა" ეს სენსაციური მარცხი საკუთარი მთავარი მწვრთნელის, სერ ალექს ფერგიუსონის 70 წლის იუბილეს "დაამთხვიეს". ყველაფერთან ერთად, "იუნაიტედმა" ხელიდან პრემიერლიგაში ერთპიროვნულად გალიდერების შანსიც გაუშვა.
