ბირმინგემის "ასტონ ვილას" ირლანდიელი მეკარე შეი გივენი, რომელმაც ტრავმის გამო ექვსი მატჩი გამოტოვა, უახლოეს ხანში მწყობრში ჩადგება. 35 წლის გოლკიპერი, რომელმაც ტრავმა "მანჩესტერ იუნაიტედთან" დეკემბრის მატჩში მიიღო, მოედანზე 14 იანვარს, ინგლისის პრემიერლიგის 21-ე ტურის მატჩში "ევერტონთან" გამოვა.
"ლომების" მთავარმა მწვრთნელმა ალექს მაკლიშმა აღნიშნა, რომ მეკარეს გული "ბრძოლის ველისკენ" მიუწევს.
მიმდინარე სეზონის 14 შეხვედრაში გივენმა 18 ბურთი გაუშვა.
