"არსენალის" მთავარმა მწვრთნელმა არსენ ვენგერმა დაადასტურა, რომ ლონდონურ კლუბში იჯარით დაბრუნებული ფრანგი თავდამსხმელი ტიერი ანრი ჩემპიონთა ლიგის განაცხადში იქნება. ევროპის ყველაზე პრესტიჟული ტურნირის 1/8 ფინალში "არსენალს" "მილანთან" დაპირისპირება ელის."ანრი "არსენალის" განაცხადში იქნება, ეს მართალია. მილანში ანრიმ "ინტერს" სამი გოლი გაუტანა, ამიტომ მისი განაცხადში შეყვანა, ჩვენი მხრიდან ლოგიკური გადაწყვეტილებაა", - თქვა ვენგერმა.
ანრი "არსენალში" "იუვენტუსიდან" 1999 წელს გადავიდა და 8 წლის მანძილზე 364 ჩატარებულ მატჩში 226 გოლი გაიტანა. მისი დახმარებით "მეთოფეები" 2005/06 წლის სეზონში ჩემპიონთა ლიგის ფინალში გავიდნენ, სადაც "ბარსელონასთან"
"მილანთან" ჩემპიონთა ლიგის 1/8 ფინალის პირველ მატჩს ლონდონელები 15 თებერვალს სტუმრად გამართავენ. საპასუხო შეხვედრა ინგლისის დედაქალაქში 6 მარტს შედგება.
