"მანჩესტერ სიტის" თავკაცი რობერტო მანჩინი მიიჩნევს, რომ ლუის სუარესის მხარდასაჭერი აქციით "წითლებმა" შეცდომა დაუშვეს. მანჩინიმ ეს ამბავი ლიგის თასის ნახევარფინალის დაპირისპირების წინ გაიხსენა."მოედანზე კონფლიქტები ხდება. მთავარია საკუთარი საქციელისთვის ბოდიში მოიხადო. მოედანზე ხშირად მას შემდეგ ფიქრობ, რაც რამეს გააკეთებ და იტყვი. არ მგონია, რომ სუარესი რასისტია. მან მხოლოდ სერიოზული შეცდომა დაუშვა. თუმცა ურუგვაელის მხარდასაჭერად მაისურების ჩაცმა ისეთივე მცდარი გადაწყვეტილება იყო", - თქვა მანჩინიმ.
