შეგახსენებთ, რომ კერბიშლი საფეხბურთო სცენაზე უკვე ორი წელიწადია არ გამოჩენილა. ბოლოს ის "ვესტ ჰემს" ედგა სათავეში, თუმცა, რამდენადაც ინგლისურმა ტაბლოიდებმა შეიტყვეს, "ასტონ ვილას" შეფები უკვე ელაპარაკნენ მას. როგორც ჩანს, ახლა საქმე მაკდონალდსა და კერბიშლის შორის ასარჩევად იქნება.
კერბიშლის კარირერაში ყველაზე დიდი მიღწევა "ჩარლტონ ატლეტიკის" პრემიერლიგაში დამკვიდრება გახლავთ. სხვა სიტყვებით, ის უმაღლეს ინგლისურ დივიზიონში გამოცდილი მწვრთნელია და "ასტონ ვილას" მოთხოვნაც
შეგახსენებთ კერბიშლის "ვესტ ჰემიდან" წასვლის მიზეზსაც: მაშინ კლუბმა რამდენიმე ფეხბურთელი მწვრთნელის ზურგსუკან გაყიდა. გარდა ამისა სათქმელია, რომ ის თავის დროზე "ასტონ ვილაში" თამაშობდა - ქალაქის მეორე გუნდიდან, "ბირმინგემ სიტიდან" გადავიდა და მისი მაისურა 36 შეხვედრაში მოირგო.
ამბობენ, რომ "სტოკთან" შეხვედრამდე "ვილას" შეფებმა შესაძლოა სხვა კანდიდატებიც მოძებნონ და მათი კანდიდატურებიც განიხილონ. დაირხა ხმა, თითქოს "ასტონ ვილას" თავკაცობით "ალკმაარის" ყოფილი მწვრთნელი რონალდ კუმანიც დაინტერესდა.
