ლონდონის "ჩელსიმ" "ნოტინგემ ფორესტის" 18 წლის თავდამსხმელი პატრიკ ბემფორდი შეიძინა. ბემფორდი "ნოტინგემ ფორესტის" მთავარ გუნდში ორჯერ გამოჩნდა, დებიუტი კი 2011 წლის ბოლო დღეს "კარდიფ სიტის" წინააღმდეგ მატჩში ჰქონდა.ცოტა ხნის წინ ახალგაზრდა ფორვარდმა "უიგანთან" ინგლისის ახალგაზრდული თასის მატჩში ხუთი გოლი გაიტანა. ის შეხვედრა მისი გუნდის გამარჯვებით 9:1 დასრულდა.
შემდეგი რაუნდის მატჩში, რომელიც გასულ კვირას გაიმართა, ბემფორდმა "საუთჰემპტონის" კარში პოკერის შესრულება მოახერხა.
