"ლოს ანჯელეს გელაქსის" ინგლისელი ნახევარმცველი დევიდ ბექჰემი მსოფლიოს ყველაზე სექსუალურ მამაკაცად აღიარეს - ასეთია ბრიტანული ჟურნალის Heat-ის მიერ მოწყობილი გამოკითხვის შედეგები.გამოკითხვაში მონაწილეობას იღებდნენ გამოცემის მკითხველები, აგრეთვე სპეციალური საექსპერტო ჟიური. 36 წლის ინგლისელმა უკან ჩამოიტოვა კანადელი მსახიობები - ჰოლივუდის ამომავალი ვარსკვლავი რაიან გოსლინგი და მსახიობ სკარლეტ იოჰანსონის ყოფილი მეუღლე რაიან რეინოლდსი. აღსანიშნავია, რომ ბექჰემი TOP25-ში სპორტიდან ერთადერთი წარმომადგენელია.
პრეტენდენტებს გარეგნობის, ნიჭისა და პირადი თვისებების მიხედვით აფასებდნენ. წინა სექსსიმბოლოებმა - ჯონი დეპმა, ჯორჯ ქლუნიმ და ბრედ პიტმა შესამჩნევად დათმეს საკუთარი პოზიციები.
ყოველდღიური სპორტული გაზეთი "ლელო"
