ინგლისის პრემიერლიგის კლუბებმა ზამთრის სატრანსფერო ფანჯრის დახურვის შემდეგ სეზონის დარჩენილი ნაწილისთვის გუნდების განაცხადები გამოაქვეყნეს. აღსანიშნავია, რომ "მანჩესტერ სიტის" განაცხადში არგენტინელი თავდამსხმელი კარლოს ტევესიცაა შეყვანილი, რომელსაც კლუბის ხელმძღვანელობასთან კონფლიქტი აქვს.
ტევესს იანვარში კლუბის დატოვება ძალიან სურდა, თუმცა მისი სხვა გუნდში გადასვლა სატრანსფერო ფანჯრის პერიოდში ვერ მოხერხდა.
ტევესი მოედანზე ბოლოს 18 სექტემბერს გამოვიდა. მაშინ "მანჩესტერ სიტი" "ფულჰემს" სტუმრად 2:2-ზე დაუზავდა.
