"მანჩესტერ იუნაიტედის" მეკარე დავიდ დე ხეა ავადმყოფობის შემდეგ გამოკეთდა და 5 თებერვალს "ჩელსისთან" ინგლისის ჩემპიონატის 24-ე ტურის მატჩში ითამაშებს. ამის შესახებ მანჩესტერელთა მთავარმა მწვრთნელმა ალექს ფერგიუსონმა განაცხადა და დასძინა, რომ მანჩესტერელთა მეორე მეკარეს ანდრეს ლინდეგორს ტრავმის გამო ექვსი კვირის გამოტოვება მოუხდება.
"დე ხეა მზად უნდა იყოს. ლინდეგორი კი სავარაუდოდ ექვს კვირას გამოტოვებს", - თქვა ფერგიუსონმა.
