ინგლისელთა ნაკრები გუნდის მთავარი მწვრთნელის თანამდებობა ფაბიო კაპელოს გადადგომის შემდეგ გათავისუფლდა., რომელმაც სამუშაო ინგლისის საფეხბურთო ასოციაციის წარმოამდგენლებთან კონფლიქტის გამო მიატოვა.შეგახსენებთ, რომ კაპელო საფეხბურთო ასოციაციის თავმჯდომარე დევიდ ბერნშტეინთან საუბრის შემდეგ გადადგა. სპეციალისტმა ინგლისის ნაკრების მცველ ჯონ ტერისთვის კაპიტნის სამკლავურის ჩამორთმევის გამო გამოხატა უკმაყოფილება, რომელსაც რასისტულ გამონათქვამებში ადანაშაულებენ.
Reuters-ის მონაცემებით, ინგლისის ნაკრების მთავარი მწვრთნელის თანამდებობაზე დანიშვნის მთავარ პრეტენდენტად ლონდონის "ტოტენჰემის" თავკაცი ჰარი რედნაპი მიიჩნევა. ინგლისური მასმედია კაპელოს შემცვლელად ახალგაზრდული ნაკრების მთავარ მწვრთნელ სტიუარტ პირსს და მადრიდის "რეალის" თავკაც ჟოზე მოურინიოსაც ასახელებს.
მომზადებულია Sky Sports-ის მიხედვით
