ლონდონის "ჩელსის" მფლობელი რომან აბრამოვიჩი ზაფხულში გუნდიდან ეშლი კოულის გაშვებას აპირებს. რუს მილიარდერს არ მოეწონა, რომ კოული "არისტოკრატების" თავკაცს ანდრე ვილაშ-ბოაშს საჯაროდ აკრიტიკებდა."როცა ფეხბურთელები მთავარი მწვრთნელის წინააღმდეგ მიდიან, ისინი ამით კლუბის მფლობელის თვალში ცუდ შთაბეჭდილებას ტოვებენ.
ანდრე ვილაშ-ბოაში აბრამოვიჩმა პირადად აირჩია. მოთამაშეები მწვრთნელს ასე რადიკალურად არ უნდა აკრიტიკებდნენ ", - განაცხადა "ჩელსის" წარმომადგენელმა.
როგორც გაირკვა, კოულის გარდა აბრამოვიჩი ზაფხულში ფრენკ ლემპარდსაც დაემშვიდობება.
