29 წლის ელ-ჰაჯისა და ვალერის ორი შვილი ჰყავთ.
ამასთან "სანი", როგორც პატიოსანი გაზეთი აზუსტებს, რომ ასეთი ფოტოს არსებობა სულაც არ ნიშნავს, რომ დიუფს ჯენი ტომპსონთან რაიმე ურთიერთობა ჰქონდა. როდესაც ამის შესახებ თავად ფეხბურთელს ჰკითხეს მან გინებით უპასუხა: "წადით თქვენი... სულ არ მაინტერესებს რას იტყვის ჩემს შესახებ ხალხი".
მაგრამ, დიუფისგან განსხვავებით საზოგადოების აზრი მნიშვნელოვანია კოლინ რუნისთვის, რომელიც ერთი უხეში ოჯახური სცენით ამ ისტორიას ვერ ამოწურავს. თან, როგორი შესაგუებელია, შენი უკლებლივ ყველა ნაბიჯი და ფიქრიც კი მთელი ქვეყნისთვის რომ ხდება ცნობილი. ასე მაგალითად, დღეს უკვე მთელმა ინგლისმა იცის, რომ კოლინი და უეინი მეორე შვილის გაჩენას აპირებდნენ (ვაჟი სახელად კაი წყვილს ათი თვის წინ შეეძინა), მაგრამ "მეძავური თავგადასავლების" გამო ახლა ამაზე ლაპარაკიც ზედმეტია. აღსანიშნავია, რომ კოლინ რუნის ცხოვრებაში ძალიან მძიმე პერიოდი უდგას. ის, რომ ქმარმა უღალატა, შეარცხვინა და ამის გამო ყოველ დღე გაზეთების პირველ გვერდებზეა გამოჭიმული ერთია, მაგრამ ამას ემატება მეორე - მისი ავადმყოფი 12 წლის და როზი კომაშია და საქმე სიკვდილ-სიცოცხლეზეა მიმდგარი.
კოლინის დის ამბავი "ლელოს" მკითხველმა დიდი ხანია იცის. ბავშვი მძიმე სნეულების გამო რა ხანია ლოგინსაა მიჯაჭვული. როგორც კოლინის მეგობრები ამბობენ, ახლა მისთვის მთავარი დის ჯანმრთელობაა და ძირითადად სახლსა და საავადმყოფოს შორის მიდი-მოდის. ერთ-ერთმა ახლობელმა ტაბლოიდებს განუცხადა, რომ მისის რუნი განუწყვეტლივ ტირის, მაგრამ მაინც ახერხებს როზისთან პალატაში მისვლას.
"კოლინის მშობლებმა არ იციან რას გადაწყვეტს მათი შვილი, ქმერს გასცილდება თუ კაის ხათრით შეურიგდება, მაგრამ ერთი ფაქტია, მათთან უეინი ვეღარასოდეს მივა. ისინი რუნის თავიანთი ოჯახის წევრად ვერასოდეს მიიჩნევენ", - თქვა მან.
მეორე ახლობელმა დასძინა: "კოლინი ისეთი განადგურებულია, რომ ვერც ჭამს და ვერც ძინავს".
და, რასაკვირველია, პაპარაცებმა სცადეს განსაკუთრებული ყურადღება გაემახვილებინათ თავიანთ საყვარელ თემაზე - უკეთია თუ არა კოლინ რუნის ქორწინების ბეჭედი. ჭკვიანმა ქალმა თითი მოხერხებულად,ჩანთით დამალა.
