"მანჩესტერ იუნაიტედის" ექიმებს ამჟამად რამდენიმე სერიოზულად დაშავებულ ფეხბურთელთან უხდებათ მუშაობა - დარენ ფლეტჩერი, ანდერსონი, ანდერს ლინდეგორი, ნემანია ვიდიჩი, ტომას კლევერლი და მაიკლ ოუენი. ამ დღეებში "ქუინზ პარკმა" საიჯარო ხელშეკრულება გააუქმა და სამკურნალოდ "იუნაიტედში" დააბრუნა 20 წლის იტალიელი ფედერიკო მაკედა.
მთავარ მწვრთნელად მარკ ჰიუზის დანიშვნის შემდეგ აპენინელი ლონდონელთა ძირითად შემადგენლობაში ვერ ხვდებოდა. რაკი ამას ტერფის მძიმე ტრავმაც დაერთო, ფეხბურთელთან გამოთხოვება მათი მხრიდან ლოგიკური იყო.
ზემოთ მაიკლ ოუენი ვახსენეთ. მიუხედავად პერმანენტული ტრავმებისა, 32 წლის ვარსკვლავი კარიერის დასრულებას ჯერ არ აპირებს.
პრემიერლიგაში ბოლოს
ივანოვიჩი ვილასთან არ იქნება
შესაძლოა, "ჩელსის" 28 წლის უნივერსალმა ბრანისლავ ივანოვიჩმა უქმეებზე "ასტონ ვილასთან" ვერ ითამაშოს. გადაწყვეტილებას ექიმები მატჩის დღეს მიიღებენ. შეგახსენებთ, რომ სერბმა მცველმა ბარძაყის ტრავმა 21 მარტს "მანჩესტერ სიტისთან" შეხვედრის პირველ ტაიმში მიიღო, რის გამოც რობერტო დი მატეოს მისი შეცვლა დასჭირდა. მას მერე ფეხბურთელს ორი შეხვედრა გაუცდა - "ტოტენჰემსა" და "ბენფიკასთან".
უკეთესი პირობები ოქსლეიდ-ჩემბერლენისთვის
"დეილი მირორის" ცნობით, მიმდინარე სეზონის დასრულების შემდეგ "არსენალი" მზადაა, ალექს ოქსლეიდ-ჩემბერლენს ხელფასი გაუორმაგოს.
ამჟამად 18 წლის ფეხბურთელს "მეთოფეთა" რიგებში ერთ-ერთი ყველაზე დაბალი ანაზღაურება აქვს – 25 ათასი ფუნტი კვირაში, რაც 50 ათასამდე გაიზრდება. ლონდონელები მარუან შამახის, სებასტიან სკილაჩის, ანდრეი არშავინის, ნიკლას ბენდტნერისა და მანუელ ალმუნიას გაშვებას აპირებენ, რაც სახელფასო ფონდში უზარმაზარ თანხებს გამოათავისუფლებს.
ყოველდღიური სპორტული გაზეთი "ლელო"
