ჩემპიონთა ლიგაში "ვერდერთან" შეხვედრის წინ გამართულ პრეს-კონფერენციაზე რედნაპმა ნაკრებისადმი ოდნავ განსხვავებული დამოკიდებულება გამოამჟღავნა. მას "მთავარ ინგლისურ საქმეზე" კატეგორიული უარი არ განუცხადებია, რაც ნებისმიერ წუთს მზადყოფნად ჩამოართვეს და ისიც კი დაწერეს, რომ ჰარი ამიერიდან კაპელოს სავარაუდო შემცვლელთა შორის უპირველესი კანდიდატია. თუმცა, თავიდან ლაპარაკი საკუთარი შესაძლებლობების შეფასებით დაიწყო:
"მე "ტოტენჰემ ჰოთსპურის"
შემდეგ, სიტყვამ კაპელოს მიერ ჩაგდებული მსოფლიოს ჩემპიონატი მოიტანა. ითქვა, რომ ბრწყინვალე შესარჩევი შეჯიბრების შემდეგ ინგლისის ნაკრებს სამხრეთ აფრიკაში ცუდი შედეგი ჰქონდა. რედნაპმა მიუგო:
"ხალხისთვის თავიანთი დონე და უნარი ფეხბურთელებს დარჩათ დასამტკიცებელი, მეტი არავის. შემადგენლობის შერჩევას დიდი მეცნიერება არ სჭირდება, მთავარი კი მერე იწყება, მოედანზე. მოთამაშეებმა სწორედ იქ უნდა გაუძლონ წინააღმდეგობას, ათასგვარ წნეხს და გაიმარჯვონ. მოედანზე ჩანს ვის რა შეუძლია. რაც შეეხება იმას, დავთანხმდები თუ არა 2012 წელს ნაკრების გაწვრთნას... კაცმა არ იცის რა მოხდება იმ დროს. იმ დროისთვის მე შეიძლება უკვე "პულ თაუნს" (უესექსის ლიგის პრემიერ დივიზიონის გუნდია) ვედგე სათავეში. ფეხბურთი ისეთი სფეროა სადაც წინასწარ არასდროს იცი, რა გელის როდესაც კუთხეში შეუხვევ. ორი წლის შემდეგ არ ვიყურები, რადგან ამას აზრი არ აქვს".
