ლონდონის "არსენალის" ოთხმა ფეხბურთელმა: ალექს სონგმა, ვოიცეხ შჩესნიმ, ბარაკ სანიამ და ალექს ოკსლეიდ-ჩემბერლენმა ბალეტი "გედების ტბიდან" "პატარა გედების ცეკვა" პროფესიონალ ბალერინებთან ერთად შეასრულა. აკომპანიმენტს კი როიალთან მჯდომი ცენტრალური მცველი მარტინ კიოუნი უწევდა.
ვიდეო ფეხბურთელებმა ეს ერთ-ერთი საავტომობილო ფირმის რეკლამისთვის გააკეთეს.
შეგახსენებთ, რომ "მეთოფეები" ინგლისის ჩემპიონატის სატურნირო ცხრილში 64 ქულით მესამე ადგილზე იმყოფებიან და უახლოეს მდევარს, "ტოტენჰემს" 5 ქულით უსწრებენ, თუმცა "დეზებს" ერთი თამაშით ნაკლები აქვთ ჩატარებული.
