როტერდამის "ფეიენოორდის" და ჰოლანდიის ახალგაზრდული ნაკრების მარცხენა ვინგერი ჯერსონ კაბრალი ერთდროულად რამდენიმე ინგლისური კლუბის ყურადღებას იპყრობს.ზაფხულში ფეხბურთელისთვის, რომელსაც კონტრაქტი 2013 წლის ივნისში ეწურება, ნამდვილი ბრძოლა გაიმართება. კაბრალის შეძენის მთავარი პრეტენდენტები "ნიუკასლი" და ლონდონის "ტოტენჰემი" არიან.
ჰოლანდიის ჩემპიონატის მიმდინარე სეზონში ნიჭიერმა ფეხბურთელმა 26 მატჩი ჩაატარა, ექვსი გოლი გაიტანა და ექვსი საგოლე გადაცემა მიითვალა.
