მანჩესტერული დერბის წინ, მოდი, მოკლედ გადავავლოთ თვალი გუნდების ურთიერთშეხვედრათა სტატისტიკას. პირველი დერბი თანაქალაქელთა შორის 1881 წლის 12 ნოემბერს გაიმართა. თუმცა დაპირისპირებულ გუნდებს მაშინ "უესტ გორდონ სენტ მარკსი" (მას მხოლოდ 1894 წლიდან უწოდებენ "მანჩესტერ სიტის") და "ნიუტონ ჰიტი" (მოგვიანებით, 1902 წელს, მას "მანჩესტერ იუნაიტედს" დაარქმევენ) ერქვათ. "ეშმაკებმა" იოლი გამარჯვება იზეიმა - 3:0.
დღემდე სულ 159 მატჩია ჩატარებული და მასზე თქვენს ყურადღებას აღარ შევაჩერებთ, რადგან დაწვრილებით სტატისტიკას ქვემოთ გთავაზობთ:
ტურნირი სიტი ფრე იუნაიტედი
ჩემპიონატი 38 49 57
ასოც. თასი 2 0 6
ლიგ. თასი 3 1 2
სუპერთასი 0 0 1
სულ 42 50 65
ცხრილიდან ირკვევა, რომ "იუნაიტედს" საკმაოდ
"ქალაქელთა" ბანაკიდან გამოვიდა ინფორმაცია, რომ მიუხედავად მშვენიერ ფორმაში ყოფნისა, რობერტო მანჩინი ყოფილი კლუბის წინააღმდეგ ძირითადში დაყენებას არ უპირებს კარლოს ტევესს. იტალიელი სასტარტოში თურმე დისკვალიფიკაციამოხდილ მარიო ბალოტელის დააბრუნებს. გაზეთების უმრავლესობა აღნიშნულ ინფორმაციას გამოგონილს უწოდებს. უმრავლესობა სავარაუდო შემადგენლობაში ტევესს ძირითადში ასახელებს.
"ჩემპიონის ტიტულის მოგება მხოლოდ ერთ გუნდს შეუძლია. ცხოვრებაში ფეხბურთზე ფული არასოდეს დამიდია, მაგრამ თუკი ვინმე მკითხავს, ჩემპიონატის სავარაუდო გამარჯვებულის შესახებ, მე მას "იუნაიტედს" ვურჩევდი," - განაცხადა რამდენიმე დღის წინ მანჩინიმ.
იტალიელმა ამით, ერთი მხრივ, შეიძლება მეტოქის მოდუნება სცადა, მეორე მხრივ, თავადაც დაიზღვია თავი. "ვერ ვიტყვი, რომ ჩემი ფეხბურთელები ძალიან იტანჯებოდნენ იმ ზეწოლის გამო, რაც მთელი სეზონის განმავლობაში ხორციელდებოდა მათზე. მსგავს სიტუაციებს ისინი შეჩვეულნი არიან, მაგრამ, მეორე მხრივ, ისინი ერთად პირველად იბრძვიან ჩემპიონობისთვის და ეს ცოტა უჩვეულო რამაა. ახლა მთავარია, ჩემპიონატი ღირსეულად დავასრულოთ," - თქვა "მანჩომ".
ყოველდღიური სპორტული გაზეთი "ლელო"
