"მანჩესტერ სიტის" არგენტინელმა ფორვარდმა სერხიო აგუერომ, რომლის გუნდმაც მანჩესტერულ დერბიში გაიმარჯვა და ინგლისის ჩემპიონატის სატურნირო ცხრილში პირველი ადგილი დაიბრუნა, აღნიშნა, რომ "ქალაქელები" ნამდვილი გუნდივით თამაშობდა."დიდად საამაყოა, ყველა რომ ერთი მთლიანი ორგანიზმივით ვთამაშობდით. გუნდისთვის ყველაფერი გავიღეთ. ვიცოდით, რომ ამ დერბის ბედს გადავწყვეტდით. "მანჩესტერ სიტის" ფეხბურთელები მთელი მატჩის მანძილზე კონცენტრაციას ინარჩუნებდნენ და ეს გამარჯვება დაიმსახურეს. მინდა გულშემატკივრებს მადლობა გადავუხადო - მათ მთელი შეხვედრის მანძილზე მოტივაცია შეგვანარჩუნებინეს", - თქვა აგუერომ.
