გუშინ, ბრიტანეთის დროით 16 საათზე, ინგლისის ფეხბურთის ასოციაციამ "უემბლიზე" საგანგებო პრესკონფერენცია მოაწყო, სადაც საჯაროდ გამოცხადდა - ინგლისის ნაკრებს ახალი თავკაცი ჰყავს, როი ჰოჯსონი. 64 წლის სპეციალისტმა ორშაბათს "უემბლიზე" დასკვნითი მოლაპარაკება გამართა ასოციაციის ოთხკაციან ბორდთან და ყველა საკითხი შეათანხმა. როცა ის "უემბლიდან" გადიოდა, ჟურნალისტებმა შეამჩნიეს, რომ ხელთ ინგლისის ნაკრების ევრო 2012-ის მეგზური ეჭირა. აი, ის კვარტეტიც, ვინც საბოლოო გადაწყვეტილება მიიღო ასოციაციაში და ფაბიო კაპელოს მემკვიდრე დაასახელა: დევიდ ბერნსტეინი, გენერალური მდივანი ალექს ჰორნი, სერ ტრევორ ბრუკინგი და ადრიან ბევინგტონი.
მას მერე, რაც
თავიდან ფავორიტი ჰარი რედნაპი იყო, მაგრამ საბოლოოდ ასოციაციამ გადაწყვიტა, "ტოტენჰემის" თავკაცისთვის სამუშაო არ შეეთავაზებინა.
როი ჰოჯსონის კონტრაქტი "ვესტ ბრომვიჩ ალბიონთან" 30 ივნისს სრულდება. ის ინგლისის ნაკრების თავკაცი ევრო 2016-ის ჩათვლით იქნება. "ვესტ ბრომვიჩს" გამოცდილი თავკაცი ბოლო ორ მატჩშიც დაეხმარება. ამ გუნდს გავარდნა არ ემუქრება - 46 ქულით მე-10 ადგილზეა.
დოსიე
როი ჰოჯსონი
64 წლის
ფეხბურთელობისას მცველი
კარიერა
1963-66 - კრისტალ პალასი
1966-69 - ტობრიჯი
1969-71 - გრეივსენდი
1971-72 - მეიდსტონი
1972-73 - ეშფორდი
1973-74 - ბერეა
1974-76 - კარშელტონი
სამწვრთნელო კარიერა
1976-80 - ჰალმსტადი (შვედეთი)
1982 - ბრისტოლი
1983-84 - იორებრო (შვედეთი)
1985-89 - მალმიო (შვედეთი)
1990-92 - ქსამაქსი (შვეიცარია)
1992-95 - შვეიცარიის ნაკრები
1995-97 - ინტერი (იტალია)
1997-98 - ბლექბერნი
1999 - ინტერი (იტალია)
1999-2000 - გრასჰოპერი (შვეიცარია)
2000-01 - კოპენჰაგენი (დანია)
2001 - უდინეზე (იტალია)
2002-04 - არაბთა გაერთიანებული საემიროების ნაკრები
2004-05 - ვიკინგი (ნორვეგია)
2006-07 - ფინეთის ნაკრები
2007-10 - ფულჰემი
2010-11 - ლივერპული
2011-12 - ვესტ ბრომვიჩი
2012-იდან - ინგლისის ნაკრები
ტიტულები
შვედეთის 9-გზის ჩემპიონი
შვედეთის თასის 2-გზის მფლობელი
დანიის ჩემპიონი
ინგლისის 2010 წლის საუკეთესო მწვრთნელი
ევროპალიგის (უეფას თასი) 2-გზის ფინალისტი: 1997, 2010
ყოველდღიური სპორტული გაზეთი "ლელო"
