პორტუგალიელმა სპეციალისტმა ანდრე ვილაშ-ბოაშმა ლონდონის "ჩელსის" მფლობელ რომან აბრამოვიჩის გადაწყვეტილებით, "არისტოკრატებთან" კონტრაქტის ნაადრევად გაწყვეტის საკომპენსაციოდ 12 მილიონი ფუნტი სტერლინგი მიიღო.სპეციალისტი თანამდებობიდან მიმდინარე წლის მარტში გაათავისუფლეს გუნდის მიერ ნაჩვენები არადამაკმაყოფილებელი შედეგების გამო.
მუშაობის 7 თვის მანძილზე "ჩელსიმ" პორტუგალიელ სპეციალისტს სულ 32 მილიონი ფუნტი სტერლინგი გადაუხადა: "პორტუდან" გადაბირებისთვის, ხელფასი და კომპენსაცია კონტრაქტის ნაადრევად გაწყვეტისთვის.
ვილაშ-ბოაში "ჩელსიში" 2011 წლის ზფხულში, "პორტუში" გატარებული ბრწყინვალე სეზონის შემდეგ მივიდა. იმ წელს ვილაშ-ბოაშმა ევროპის ლიგა, პორტუგალიის ჩემპიონატი, პორტუგალიის სუპერთასი და პორტუგალიის თასი მოიგო.
პორტუგალიელის ხელმძღვანელობით "ჩელსი"
ბოლო 5 წლის მანძილზე ჩემპიონთა ლიგის ბოლო გათამაშების გამარჯვებულთა რუსმა მფლობელმა გაშვებული მწვრთნელების - ლუიშ ფელიპე სკოლარის, ავრაამ გრანტის, ჟოზე მოურინიოს და კარლო ანჩელოტის კომპენსაციებზე 76 მილიონი ფუნტი სტერლინგი დახარჯა.
