ჩემპიონთა ლიგაში "ჩელსისა" და ყოფილი გუნდის, "მარსელის" დაპირისპირების წინ (რომელშიც დროგბა დისკვალიფიკაციის გამო მონაწილეობას ვერ მიიღებს) მან თქვა:
"როდესაც "ჩელსისთან" ახალ კონტრაქტს ვაწერდი ხელს ნიადაგ ვიმეორებდი, რომ
მახსოვს, "მარსელში" ყოფნის დროსაც ასე ვამბობდი, მთელი კარიერა "ველოდრომზე" უნდა გავატარო, მეთქი, მაგრამ ერთ კვირაში ყველაფერი ყირაზე დადგა".
ამასობაში, დასავლეთ ლონდონელთა იტალიელმა თავკაცმა კარლო ანჩელოტიმ უარყო ხმები, თითქოს "მარსელს" თავისი ყოფილი ფორვარდის დაბრუნება სურს და ზაფხულზე "ლურჯებს" კონკრეტული წინადადებითაც მიმართა. თავად დროგბამ დასძინა:
"იმედი მაქვს "ველოდრომზე" საპასუხო შეხვედრას მაინც არ გამოვტოვებ. ეს ხომ ჩემთვის განსაკუთრებული შემთხვევა იქნება. "ველოდრომზე" ყოველთვის საგანგებო ატმოსფეროა".
ასეთი რა ატმოსფეროა მარსელის სტადიონზე მართლაც ძალიან საინტერესოა, მითუფრო, რომ ფრანგული გუნდის მცველმა სულეიმან დიავარამ, რომელიც თავის დროზე, 2006-07 წლებში "ჩარლტონ ატლეტიკში" გამოდიოდა, "ცეცხლს ნავთი" დაასხა:
"ორჯერ ვყოფილვარ "სტემფორდ ბრიჯზე" და იქაურმა ატმოსფერომ შთაბეჭდილება საერთოდ ვერ მოახდინა. "ჩელსის" ჩუმი ფანები ჰყვს. აი, ჩვენთან, "ველოდრომზე" სულ სხვაა".
