"მანჩესტერ იუნაიტედის" მცველმა ნემანია ვიდიჩმა, რომელმაც "ბაზელთან" ჩემპიონთა ლიგის მატჩში მიღებული ტრავმის შემდეგ მუხლის იოგების ოპერაცია გადაიტანა, ვარჯიში განაახლა. 23 ივლისიდან "წითელი ეშმაკების" კაპიტანი შეუზღუდავად მუშაობს, თუმცა სერბი დატვირთვებს თანდათან გაზრდის.
ამის შესახებ შანხაიში გამართულ პრესკონფერენციაზე "მანჩესტერ იუნაიტედის" თავკაცმა სერ ალექს ფერგიუსონმა განაცხადა.
აღსანიშნავია, რომ ვიდიჩი ჯერჯერობით გუნდისგან განცალკევებით, ქერინგტონში, კლუბის ბაზაზე ვარჯიშობს.
