ლონდონის "არსენალის" მთავარმა მწვრთნელმა არსენ ვენგერმა განაცხადა, რომ კლუბი ზაფხულის სატრანსფერო ფანჯრის დახურვამდე აღარავის შეძენას არ აპირებს. ამგვარად, ფრანგმა სპეციალისტმა უარყო ინფორმაცია, თითქოს "მეთოფეები" "მალაგას" ლიდერის, სანტი კასორლას კონტრაქტზე შეთანხმდნენ, რომლის ტრანსფერიც 15 მილიონ ფუნტ სტერლინგად იყო შეფასებული.
"ამ ზაფხულს მეტს არავის დავიმატებთ, თუმცა შესაძლოა, მალაიზიის ერთ-ერთი წარმომადგენლის დამატება გამოგვადგეს, სადაც ახლა შეკრებას გავდივართ", - თქვა ვენგერმა.
