"მანჩესტერ სიტის" კაპიტანმა ვენსან კომპანიმ გუნდთან ახალი კონტრაქტი გააფორმა. 26 წლის ფეხბურთელის ხელშეკრულება ექვსწლიანია. ეს კონტრაქტი "მანჩესტერ სიტის" ისტორიაში ყველაზე ხანგრძლივია. კომპანის თქმით, მას "სიტიში" აბსოლუტურად ყველაფერი აკმაყოფილებს, ამიტომ სხვა კლუბში გადასვლაში აზრს ვერ ხედავს. იუწყებოდნენ, რომ ფეხბურთელით მიუნხენის "ბაიერნი" იყო დაინტერესებული.
მასმედიის ინფორმაციით, ახალი კონტრაქტით კომპანის ხელფასი კვირაში 120 000 ფუნტ სტერლინგს შეადგენს, რაც ბელგიელი ფეხბურთელის მანამდე არსებულ ჯამაგირს ორჯერ აღემატება.
კომპანი "სიტიში" 2008 წელს "ჰამბურგიდან" გადავიდა. 2011 წელს ინგლისის თასის მფლობელი, 2012 წელს კი
კომპანი ინგლისის პროფესიონალ ფეხბურთელთა ასოციაციამ 2011/12 წლების სეზონის საუკეთესო ფეხბურთელად აღიარა.
