"მანჩესტერ იუნაიტედმა" შესაძლოა უახლოეს ხანში შემადგენლობა ლონდონის "არსენალის" ჰოლანდიელი ფორვარდით, რობინ ვან პერსით შეავსოს. ამის შესახებ Manchester Evening News იუწყება. დამატებითი ინფორმაცია ხსენებულ ტრანსფერზე ჯერჯერობით არ არსებობს.ვან პერსი 2004 წლიდან "არსენალის" მოთამაშეა. ფორვარდი ინგლისში როტერდამის "ფეიენოორდიდან" გადავიდა.
ინტერნეტპორტალი Transfermarkt.de მის სატრანსფერო ღირებულებას 47.5 მილიონ ევროდ აფასებს. ვან პერსის აქტივში ჰოლანდიის ნაკრების შემადგენლობაში 68 მატჩი და 29 გატანილი გოლია.
