"მანჩესტერ სიტის" არგენტინელმა თავდამსხმელმა კარლოს ტევესმა "ქალაქელთა" მთავარ მწვრთნელ რობერტო მანჩინისთან კონფლიქტი დაივიწყა, რომელიც გასულ წელს მიუნხენის "ბაიერნთან" ჩემპიონთა ლიგის მატჩისას შეემთხვა."ახლა სრულიად სხვა განწყობით ვარ. მზად ვარ, კარგი სეზონი ჩავატარო. ახლა მხოლოდ ფეხბურთზე ვფიქრობ. თავს გუნდისთვის სასარგებლოდ და ფასეულად ვგრძნობ. დიდი ხანია, ისეთი გოლი არ გამიტანია, როგორიც "ჩელსისთან" შეხვედრაში გავიტანე. ალბათ, "ბოკა ხუნიორსში" თამაშის შემდეგ... ეს იმაზე მეტყველებს, რომ თავდაჯერება მოვიპოვე", - აღნიშნა ტევესმა.
