დენი უელბეკი "მანჩესტერ იუნაიტედის" ღირსებას მომავალი ოთხი წლის განმავლობაში დაიცავს."მანჩესტერ იუნაიტედის" ოფიციალური საიტი იტყობინება, რომ კლუბმა ფორვარდთან ახალი ხელშეკრულების პირობები უკვე შეათანხმა, რომლის თანახმადაც ის "ოლდ ტრაფორდზე" 2016 წლამდე დარჩება.
"ყოველთვის მხოლოდ "მანჩესტერ იუნაიტედში" მსურდა თამაში. მთელი ცხოვრება ამ გუნდს ვგულშემატკივრობდი. ახალ სეზონში ვაპირებ, გუნდს ტიტულების მოპოვებაში დავეხმარო. ფეხბურთის ისტორიაში საუკეთესო მწვრთნელისგან ყოველდღე რაღაც ახალს ვგებულობ.
მიხარია, რომ შესაძლებლობა მაქვს, მსოფლიო დონის მოთამაშეების გვერდით ვითამაშო", - განაცხადა უელბეკმა მანჩესტერელებთან ახალი კონტრაქტის გაფორმების შემდეგ.
