"მანჩესტერ სიტის" თავდამსხმელი სერხიო აგუერო მუხლის ტრავმის გამო ერთ თვეს ვერ ითამაშებს.ფეხბურთელი "საუთჰემპტონთან" ინგლისის პრემიერლიგის საწყისი ტურის მატჩის მე-13 წუთზე დაშავდა და შესაცვლელი გახდა. მაგნიტო-რეზონანსულმა ტომოგრაფიამ ცხადყო, რომ არგენტინელს ერთი თვე დასვენება მოუწევს.
მუხლის მყესები რომ ჰქონოდა დაზიანებული, აგუეროს 6 თვის გამოტოვება მოუწევდა. ახლა კი ქირურგიული ჩარევა საჭირო არ არის.
