"მანჩესტერ სიტის" მთავარმა მწვრთნელმა რობერტო მანჩინიმ დაადასტურა ინფორმაცია, რომლის მიხედვითაც კლუბმა ზაფხულის სატრანსფერო ფანჯრის ბოლო დღეს ხუთი ტრანსფერის შესახებ უნდა განაცხადოს."ამ ტრანსფერებზე მუშაობას ვაგრძელებთ და 10-12 საათი გვაქვს, რათა ყველა დეტალი შევათანხმოთ.
მოლაპარაკებათა წარმატებით დასრულებაში დარწმუნებული ვარ. ვფიქრობ, თუ ამ გარიგებების დასრულებას მოვასწრებთ, გუნდს მნიშვნელოვანწილად გავაძლიერებთ.
საუბარია, მაგალითად, ისეთ ტოპკლასის ფეხბურთელზე, როგორიც მაიკონია, ასევე მატია ნასტასიჩზე, რომელიც მომავალში შესაძლოა ძალიან ძლიერი ფეხბურთელი გახდეს", - განაცხადა მანჩინიმ.
