"მანჩესტერ სიტის" მთავარმა მწვრთნელმა რობერტო მანჩინიმ ლონდონის "არსენალთან" დაპირისპირების წინ მეტოქე შეაქო."არსენალი" მსოფლიოს ერთერთი საუკეთესო გუნდია. მათ "ლივერპულთან" გასვლით მატჩში ძალიან კარგად ითამაშეს. მაშინ მივხვდი, რომ მათთან გაგვიჭირდება. ისინი ძლიერები არიან, განსაკუთრებით კონტრშეტევებზე.
მათ რობინ ვან პერსი და სონგი დაკარგეს, თუმცა ახლა ნაკლებ ზეწოლას განიცდიან და ტიტულისთვის ბრძოლა შეუძლიათ, რადგან მათ შემადგენლობაში საკმაოდ ბევრი კარგი ფეხბურთელია.
პოდოლსკი, კასორლა და ჟირუ მომწონს. "არსენალმა" ზაფხულის სატრანსფერო ფანჯრის დროს შესანიშნავად იმუშავა. ჩემთვის "არსენალი" ფანტასტიკური კლუბია", - შეაჯამა იტალიელმა სპეციალისტმა.
