"ის, რაც ჩვენს გასახდელში მოხდა, ყველგან ხდება და სხვათაშორის, ცუდი არ არის. "ნიუკასლთან" შეხვედრის პირველ ტაიმში "სიტის" აშკარად ეძინა. ფეხბურთელები ჩემი და ტევესის ჩხუბმა გამოაფხიზლა. მინდა გითხრათ, რომ ინგლისში იტალიისგან განსხვავებით, მოთამაშეებს
ტევესთან ჩემი კონფლიქტი ძალიან უსიამოვნო იყო, თუმცა შედეგი გამოიღო. მეორე ტაიმში სულ სხვა ფეხბურთი ვითამაშეთ. რაც შეეხება ურთიერთობას, ჩვენ ყველაფერი შესვენებაზევე მოვაგვარეთ, თამაშის მიწურულს კი ხელიც ჩამოვართვით ერთმანეთს".
სხვათაშორის, ტევესმა იმ შეხვედრაშიც გაიტანა გოლი, ოღონდ ჩხუბამდე, პირველ ტაიმში, პენალტით. მანჩინიმ კონფლიქტის მიუხედავად ტევესი შეაქო:
"მას გოლები პრინციპულ შეხვედრებში გააქვს. აქ, პრემიერლიგაში ტევესი მაღალ მცველებს ებრძვის, ტოლს არავის უდებს და ნამდვილად განსაკუთრებული თავდამსხმელია. ძალიან მინდა ის მრავალმხრივ განვითარდეს. მარტო გოლების გატანას არ ვგულისხმობ, განვითარებას ბევრი ასპექტი აქვს".
ზემოთ მანჩინის გოლი რომ ვახსენეთ, მიმდინარე სეზონში მისთვის მეხუთე იყო. იმ დღეს, "ნიუკასლმა" ანგარიში გაქვითა, შესვენების შემდეგ კი შეცვლაზე შესულმა ადამ ჯონსონმა გამარჯვებისა გაიტანა.
როგორც მოგახსენეთ, ადამ ჯონსონი შეცვლაზე შევიდა, რაც იმას ნიშნავს, რომ მანჩინიმ ის სასტარტო შემადგენლობაში არ ათამაშა. ამბობენ, რომ ამან ჯონსონი ძალიან გაანაწყენა. რატომ არ ათამაშა მწვრთნელმა იგი "ნიუკასლთან" თავიდანვე? საქმე ის გახლავთ, რომ მანჩინიმ ჯონსონი წინა შეხვედრაში "ბლექბერნთან" შეცვალა და ფეხბურთელმა უკმაყოფილება გამოხატა. როგორც ჩანს, მწვრთნელის შემდეგი ნაბიჯი მოთამაშის დასჯა იყო.
"ადამი ახალგაზრდაა და ჯერ ბევრი რამ აქვს სასაწავლი - თქვა იტაიელმა - "მან უნდა გაიგოს, რომ ერთი და იმავე მოწინააღმდეგის ექვსჯერ მოტყუება სულაც არ ნიშნავს კარგად თამაშს. მოწინააღმდეგეს რომ მოატყუებ, მერე ან საგოლე პასი უნდა გადააწოდო ან თავად შეაგდო, როგორც ეს თავად ჯონსონმა გააკეთა "ნიუკასლთან" შეხვედრაში. მჯერა თუ არა ადამის შესაძლებლობების? რომ არ მჯეროდეს ამასთან ასე არც ვიმუშავებდი".
მიმდინარე სეზონში მანჩინის ხშირად აკრიტიკებენ, რომ გუნდს ულამაზო ფეხბურთს ათამაშებს. თავად, თავდასხმაში მარტო მიტოვებული ტევესიც უკმაყოფილოა, რომ ისტლენდელები დაცვას ზედმეტ ყურადღებას აქცევენ.
მანჩინი თავს ასე იმართლებს:
"ადებაიორი ახლა მოშუშდა, ბალოტეელი ჯერაც მკურნალობს. ვერ თამაშობენ სწრაფი განაპირა მცველები, ბოატენგი და კოლაროვიც, რომელთა გარეშე ბურთის თავდასხმაში სწრაფი გადატანა ძალიან ძნელია".
და ბოლოს, შეეგუა თუ არა რობერტო მანჩინი ინგლისს?
"ოჯახი ინგლისში გადმოვიყვანე და ჩვეულებრივი ინგლისური ცხოვრებით ვცხოვრობთ. სხვა რა შემიძლია გითხრათ, ამ ქვეყანას ერთადერთი ამნდი თუ დაეწუნება. სხვა ყველაფერი ჩინებულია".
