ჰარგრივზი ამ ორი წლის განმავლობაში ორჯერ იყო "იუნაიტედის" ძირითადში დაბრუნებასთან ახლოს, მაგრამ ორივეჯერ არ გაუმართლა, ტრავმამ კვლავ დარია ხელი, ამდენმა იმედგაცრუებამ კი ის გადააწყვტინა რითაც ეს ინფორმაცია დავიწყეთ.
კლუბიდან გამოსული ცნობების თანახმად მანჩესტერელთა თავკაცი სერ ალექს ფერგიუსონი
ინგლისურმა ტაბლოიდებმა ეს ინფორმაცია თავიანთი არხებით გადაამოწმეს და ოუენ ჰარგრივზის მეგობარს მიაკითხეს, რომელმაც თქვა:
"ოუენმა აქამდეც ყველა ღონე იხმარა, მოედანზე რომ დაბრუნებულიყო, მაგრამ ტკივილი არ აძლევდა საშუალებას. ახლა მან თავიდან მოიკრიბა ძალ-ღონე და გადაწყვიტა ერთხელაც სცადოს ბედი. თუ ორგანიზმი კვლავ არ მისცემს ფეხბურთში დაბუნების საშუალებას, მაშინ ის კარიერას წერტილს დაუსვამს. მუხლში აუტანელმა ტკივილმა ის მარტო ბურთის თამაშში კი არ შეზღუდა, ყოველდღიურ, სამოქალაქო ცხოვრებაშიც პრობლემები შეუქმნა".
ოუენ ჰარგრივზი მიუნხენის "ბაიერნიდან" "იუნაიტედში" 2007 წლის ზაფხულზე გადავიდა, მაგრამ მას მერე, სამი წლის განმავლობაში, თავიდან მხოლოდ და მხოლოდ 25 შეხვედრაში ითამაშა. 2008 წლის ნოემბერში ჰარგრივზმა მარჯვენა მუხლის ოპერაცია გაიკეთა, სამი თვის მერე კი მარცხენა მუხლის ოპერაციის გაკეთებაც მოუხდა.
გასულ სეზონის ბოლოსწინა ტურში ნახევარმცველი, "სანდერლენდთან" შეხვედრაში, ორი წუთით შევიდა მოედანზე და ეს თითქოს სიკეთის მომასწავებელი უნდა ყოფილიყო, მაგრამ ზაფხულზე ვარჯიშების დროს კვლავ ტკივილმა და პრობლემამ იჩინა თავი.
