რაც შეეხება ხსენებულ ფეხბურთის ასოციაციას, მას შემოსავლის გაზრდა აქვს დაგეგმილი და ფიქრობს, ახალ სპონსორს იმაზე ორჯერ ძვირიადღირებული კონტრაქტი გაუფორმოს,
"ფეისბუქამდე" ინგლისელებს ტელეკომის გიგანტები O2 და Orange შეეხმიანენ. მათ გარდა თავისი ფული და სამსახური შესთავაზა ესპანურმა ბანკმა "სანტანდერმაც", თუმცა, დღეს ინგლისური პრესა წერს, რომ ამერიკული ინტერნეტ-გოლიათი "ფეისბუქი" - მიუხედავად იმისა, რომ პირდაპირი სპონსორობის დიდი გამოცდილებით ვერ დაიკვეხნის - ფეხბურთის ასოციაციისთვის ყველაზე საინტერესო პარტნიორია. ყველაფერს თავი რომ დავანებოთ, "ფეისბუქის" საშუალებით ინგლისელთა ქომაგებს მსოფლიოს ნებისმიერი კუტხიდან შეეძლებათ თავიანთი მოსაზრებები უშუალოდ მიაწვდინონ ნაკრების ბანაკს. სხვათაშორის, ეს სწორედ ის "ფეისბუქია", რომლით სარგებლობის უფლება მსოფლიოს ჩემპიონატის დღეებში კაპელომ თავის ფეხბურთელებს ჩამოართვა. და თუ "ფეისბუქი" მართლა გახდება ინგლისის ნაკრების სპონსორი, ვინ იცის კაპელოს გუნდმა ამერიკელი მომღერლის ლედი გაგას ამასწინანდელი რეკორდი მოხსნას კიდეც - ამ ქალბატონს მსოფლიოში ყველაზე მეტი "ფეისბუქ-მიმდევარი" აღმოაჩნდა. მათმა რაოდენობამ 10 მილიონს გადააჭარბა.
უნდა ითქვას, რომ ინგლისის ფეხბურთის ასოციაციას მაინც და მაინც დიდი დრო აღარ აქვს. ნაკრებს ერთ თვეში უკვე თამაში ელის - 11 აგვისტოს "უემბლიზე" კაპელოს ფეხბურთელები უნგრეთს ხვდებიან.
სამშენებლო ფირმა Nationwide და ინგლისის ფეხბურთის ასოციაცია 1999 წლიდან თანამშრომლობდნენ.
