1 მარტს "მანჩესტერ იუნაიტედმა" რაიან გიგზს ახალი, ერთწლიანი ხელშეკრულება გაუფორმა - 39 წლის ვეტერანი კიდევ ერთი წლით დარჩება ინგლისურ გრანდში."ბრწყინვალე განწყობაზე ვარ, ახლა ყველაზე მეტად ვტკბები ჩემი ფეხბურთით და რაც ყველაზე მთავარია, გუნდისთვის ტვირთი არ ვარ, ჯერ კიდევ შემიძლია დახმარება", - განაცხადა რაიანმა.
სერ ალექსმა კი თქვა: "რა უნდა ვთქვა ახალი რაიანის შესახებ, მასზე ხომ ამდენი თქმულა. გიგზი უდიდესი ფეხბურთელი და პიროვნებაა. ხვალ ის კარიერაში მეათასე მატჩს ითამაშებს. არა მგონია, ვინმემ მოახერხოს
სიმბოლურია, რომ...
* ეს მოხდა ლეგენდარული უელსელის დებიუტიდან 22 წლის თავზე - პირველად "მანჩესტერის" მაისურა მან 19921 წლის 2 მარტს მოირგო.
* 2013 წლის 2 მარტს კი გიგზი "ნორვიჩთან" კარიერაში მე-1 000 მატჩს ითამაშებს.
40-იანთა კლუბი
რაიან გიგზი 23 ნოემბერს 40 წლის გახდება, ის იუბილეს "მანჩესტერ იუნაიტედის" ფეხბურთელად შეხვდება და შეუერთდება პრემიერლიგის 40-იანელთა კლუბს, რომელშიც სულ ორი კაცია: ტედი შერინგემი (40 წ, 268 დღე) და გორდონ სტრაჩანი (40 წ, 87 დღე).
ლეგენდა ციფრებში
* 931 მატჩი "მანჩესტერ იუნაიტედში", 168 გოლი.
* მას "მანჩესტერში" 149 თანაგუნდელი ჰყავდა, რომლებიც 1957 და 1995 წლებს შუალედში არიან დაბადებულები.
* რაიან გიგზი ერთადერთი ფეხბურთელია, რომელმაც ჩემპიონთა ლიგის 16 სეზონში მოახერხა გოლის გატანა.
* პრემიერლიგის ისტორიაში ყველაზე მეტი საგოლე პასის ავტორი რაიანია - 127.
სერ ალექსის გადაწყვეტილებით, 2014 წლის ივლისიდან 23-ნომრიან მაისურას "მანჩესტერ იუნაიტედში" აღარავინ ჩაიცვამს
ყოველდღიური სპორტული გაზეთი "ლელო"
ასევე იხილეთ:
რაიან გიგზმა "მანჩესტერ იუნაიტედთან" ახალი კონტრაქტი გააფორმა
