"მანჩესტერ სიტის" არგენტინელმა ფორვარდმა სერხიო აგუერომ საჯაროდ მოუბოდიშა "ჩელსის" ბრაზილიელ მცველ დავიდ ლუისს.შეგახსენებთ, რომ ასოციაციის თასის ნახევარფინალში, რომელიც "სიტიმ" 2:1 მოიგო, აგუერო ორი გაშლილი ფეხით წავიდა დავიდ ლუისზე და კინაღამ სერიოზული ტრავმა მიაყენა.
მსაჯმა ფოიმ ეს ვერ შენიშნა და რადგან ის არც მსაჯის ბარათში ასახულა, არგენტინელი დასჯას გადაურჩა. ხოლო დავიდ ლუისმა განაცხადა, რომ პატიობს არგენტინელს.
აგუერომ "ტვიტერზე" დაწერა: "მე დავეკონტაქტე დავიდ ლუისს და ბოდიში მოვუხადე. ეს იყო იმპულსური მოქმედება, რომელიც არასოდეს აღარ უნდა განმეორდეს".
მალევე ლუისმა უპასუხა: "მადლობა აღიარებისთვის.
ასევე იხილეთ:
დავიდ ლუისი: მე ვპატიობ სერხიო აგუეროს
