ლონდონის "ჩელსის" მთავარი მწვრთნელის მოვალეობის შემსრულებელმა რაფაელ ბენიტესმა ინგლისურ პრესას გულახდილი ინტერვიუ მისცა, სადაც "ლივერპულისადმი" თავის დამოკიდებულებაზე ისაუბრა.სხვათა შორის, სწორედ ამ კლუბში წარსულში ხანგრძლივი დროით მუშაობის გამო აპროტესტებენ "ჩელსის" ქომაგები გუნდში ესპანელი სპეციალისტის ყოფნას.
"ვცდილობ, ყველაფერი გავაკეთო ჩემი გუნდისთვის, რაც შემიძლია და ეს გუნდი დღეს "ჩელსია". მე პროფესიონალი ვარ და ეს ისაა, რისი კეთებაც მსურს.
კი ბატონო, ვერ ვივიწყებ "ლივერპულში" გატარებულ დროს - იქაურ ატმოსფეროს, წარმატებებს, ურთიერთობას გულშემატკივრებთან და ქალაქთან. "ლივერპული" - ეს ჩემი სახლია.
მაგრამ დღეს მე ის
21 აპრილს "ენფილდზე" თამაში ჩემთვის ემოციური იქნება, მაგრამ უნდა შევძლო თავის ხელში აყვანა. ეს იოლი არ იქნება, რადგან იქ უამრავ მეგობარს ვნახავ, მაგრამ მხოლოდ თამაშზე უნდა ვიფიქრო.
ფეხბურთელებმა უნდა იწამონ, რომ შევძლებ ვითარებასთან გამკლავებასა და მათ დახმარებას", - თქვა სპეციალისტმა.
ასევე იხილეთ:
"ჩელსის" ფანებმა "უემბლიზე" ჟოზე მოურინიოს მხარდამჭერი ბანერი გამოფინეს
რაფაელ ბენიტესი: სულ ცოტა, კიდევ ერთი გოლის გატანას ვიმსახურებდით
