საქმე ის გახლავთ, რომ დროდადრო პრესაში გამოჩნდება ხოლმე ინფორმაცია, თითქოს "ჩელსი" ამა თუ იმ დიდ ვარსკვლავს ყიდულობს, მაგრამ ანჩელოტიმ ეს
"ადრეც ბევრჯერ მითქვამს, რომ ტორესის ყიდვას ჩვენ არ ვაპირებთ, რადგან ყველაფერს რომ თავი დავანებოთ, გუნდში ძალიან ბევრი ნიჭიერი ახლგაზრდა გვყავს და მათი აღზრდა გვირჩევნია. შემიძლია დენიელ სტარიჯი და გაელ კაკუტა გამოვყო კიდეც.
ახალგაზრდების გარდა ჩვენ გვყავს ისეთი თავდამსხმელები, როგორებიც არიან დიდიე დროგბა, ნიკოლა ანელკა და სალომონ კალუ. ერთი სიტყვით, ამ ეტაპზე ჩვენ ნამდვილად არ გვჭირდება თუნდაც ისეთი ფანტასტიკური ფეხბურთელი როგორიც ფერნანდო ტორესი გახლავთ. შემადგენლობით, რომელიც დღეს გვყავს, ჩვენ შეგვიძლია ყველა შეჯიბრებაში, რომელშიც ვმონაწილეობთ, წარმატებისთვის ვიბრძოლოთ. ერთადერთი, რაც მინდა ისაა, რომ რამენაირად ტრავმებს გადავურჩეთ. მინდა გითხრათ, რომ ჩვენ ამ მიმართულებითაც ვმუშაობთ, ფეხბურთელების ჯანმრთელობას მუდმივად ვაკონტროლებთ და მათი ძალების აღდგენაზე ვზრუნავთ. ამას იმიტომ ვაკეთებთ, რომ ყოველი შეხვედრის წინ დარწმუნებული უნდა ვიყო: ფეხბურთელები, რომელთაც ვენდობი და მოედანზე ვუშვებ, აბსოლუტურად ჯანმრთელები არიან. ბევრი რომ არ გავაგრძელოთ, თუკი ყველა საღ-სალამათი გვეყოლება, ახალი არავინ დაგვჭირდება. მერწმუნეთ, ჩვენ ფანტასტიკური გუნდი გვყავს".
