ინგლისში 2013/14 წლების საფეხბურთო სეზონს, ტრადიციულად სუპერთასის მატჩი გახსნის. საფეხბურთო ასოციაციამ გუშინ მისი ჩატარების თარიღი დაადგინა. ჩემპიონი "მანჩესტერ იუნაიტედი" და თასის გამარჯვებული "უიგანი" ერთმანეთს 11 აგვისტოს "უემბლიზე" შეხვდებიან.
"კომუნითი შილდის" შეხვედრა სწორედ ლეგენდარულ სტადიონზე იმართება ხოლმე. ლონდონის ზაფხულის ოლიმპიური თამაშების გამო შარშან გამონაკლისი დაუშვეს და ის სანდერლენდში გაიმართა, სადაც "მანჩესტერ სიტიმ" "ჩელსი" დაამარცხა. სუპერთასზე შედგება "ეშმაკების" მთავარი მწვრთნელის პოსტზე დევიდ მოიესის დებიუტიც.
ახალი თავკაცი ეყოლებათ "ათლეტებსაც", თუმცა ვინ, ჯერჯერობით ამას ვერ გეტყვით. "უიგანის" პრეზიდენტ დეივ უილანს "ევერტონში" წასული რობერტო მარტინესის
