„სანდერლენდთან“ 0:3 წააგეს და ცხრილში „არსენალი“ ორქულიან მანძილზე მიუშვეს. ტერის გარდა ანჩელოტის სატკივართა შორისაა ფრენკ ლემპარდისა და მიკაელ ესიენის ტრავმები, რასაც, ცოტა ხნის წინ, დიდიე დროგბას მალარიაც ემატებოდა.
მაინც რამდენ ხანს ვერ ითამაშებს ტერი? სავარაუდოდ, რამდენიმე კვირა, თუმცა მისმა
„ნერვის ტკივილი, რომელიც ბარძაყიდან მეწყება, ორთავა კუნთს ითრევს და წვივთან მთავრდება, გასული სეზონის ბოლოდან მაწუხებს. სამწუხაროდ, „ჩელსიში“ ისეთი გადატვირთული გრაფიკი მქონდა, რომ დასვენება და მკურნალობა ვერ მოვასწარი. სეზონი რომ დამთავრდა, ინგლისის ნაკრებთან ერთად მსოფლიოს ჩემპიონატზე გავემგზავრე.
სამხრეთ აფრიკიდან დაბრუნებულს სამი კვირა დასვენება მერგო, რაც მაიმედებდა. მეგონა, შვებულების შემდეგ საქმეს გამოჯანმრთელებული შევუდგებოდი, მაგრამ პირიქით მოხდა. მდგომარეობა სულ უფრო უარესდებოდა. ნოემბრის დასაწყისამდე კიდევ არა მიშავდა, განძრევა შემეძლო, მაგრამ „ფულჰემთან“ შეხვედრაში, კლინტ დემპსისთვის ბურთი რომ წამერთმია გავიწელე და საბოლოოდ დავიზიანე რაღაც. ამიერიდან ძველებურად გაგრძელება აღარ შემიძლია. თუკი აქამდე თამაშის სურვილი ტკივილის დათრგუნვაში მეხმარებოდა, ახლა ის იმდენად ძლიერია, რომ უნდა ვიმკურნალო, სხვა გზა არ არის.
ყოველი თამაშის შემდეგ ღამეს ვტეხ, ტკივილისგან ვერ ვიძინებ. რა ვქნა, რამდენიმე კვირა უნდა დავისვენო, ექიმებთან ვიარო და ტრავმა მოვირჩინო“.
აღსანიშნავია, რომ ერთ-ერთი სპეციალისტი კაპიტანს მისმა მწვრთნელმა კარლო ანჩელოტიმ ურჩია და ისიც უახლოეს დღეებში იტალიას გაემგზავრება. იტალიელი პროფესორის გარდა ტერი ნერვის ლონდონელ ექიმთანაც მკურნალობს. პრემიერლიგის ბოლო ტურში „სანდერლენდთან“ შეხვედრას და ინგლისისა და საფრანგეთის ნაკრებების კარსმომდგარ თამაშს გამაყუჩებლით აღარაფერი ეშველა. ტერიმ განმარტა:
„გაყუჩებით ადამიანი შეიძლება თვენახევრიდან ორ წლამდეც კი ათამაშო, მაგრამ ექიმები იმასაც ამბობენ, რომ ამ მეთოდს ბოლომდე ადამიანთა 75 პროცენტი ექვემდებარება. მე, სამწუხაროდ დარჩენილ 25 პროცენტში აღვმოჩნდი. მართალი გითხრათ, მკურნალობის რა მეთოდსაც კი მთავაზობდნენ ყველაფერი ვცადე, მაგრამ მეტი მოთმენის საშულაება აღარ არის. თან, ყველაზე ცუდი ის არის, რომ ზუსტად ვერც კი ვამბობ როდის დავუბრუნდები მოედანს. მკურნალობას შესაძლოა რამდენიმე კვირა დასჭირდეს, თუმცა არც რამდენიმე თვის გაცდენაა გამორიცხული. ხომ გითხარით, ეს ისეთი ტკივილია, რომელიც ბურთის თამაშის დროს კი არა, საჭესთან, სადილობისას და ძილი დროსაც კი არ მანებებს თავს.
შესაძლოა ვინმემ თქვას, რომ ვაჭარბებ, მაგრამ არავინ იცის, რას ვებრძვი და ვუძლებ სინამდვილეში. თამაშის წინ გასახურებლად რომ გავდივარ, უკვე ცუდად ვგრძნობ თავს. ფეხბურთელებმა, რომელთაც ასეთი ან დაახლოებით ამდაგვარი პრობლემა ჰქონია, თავიანთ ექიმებთან მისვლა მირჩიეს. ახლა, მთავარია შემოთავაზებულ ექიმთაგან იმ სპეციალისტს მივაგნო, რომელიც კონკრეტულად ჩემს პრობლემას მოაგვარებს. ვიცი, რომ არიან ინგლისელები, რომლებიც დიაგნოზტიკის კარგ აპარატებს ფლობენ, იტალიაშიც მირჩიეს სპეციალისტი, ვინც კვლევას სადღაც, უფრო სიღრმიდან იწყებს... ერთი სიტყვით, ჯერჯერობით იმის გამოკვლევაში ვარ თუ რა მჭირს“.
ყოველდღიური სპორტული გაზეთი
"ლელო"
