ჯერჯერობით "მანჩესტერ სიტის" საჩემპიონო ამბიციებს ინგლისში ეჭვქვეშ არავინ აყენებს. "ქალაქელებს" აქამდე საშინაო არენაზე 100%-იანი შედეგი ჰქონდათ, თუმცა შუა კვირაში "ბაიერნმა" ისინი მიწაზე დაანარცხა. კომპანი-ნასტასიჩის კედელი გერმანელებმა ერთი ხელის მოსმით დაანგრიეს.
მანუელ პელეგრინის გუნდს შოკიდან გამოსვლა მართებს, მით უფრო, რომ 5 ოქტომბერსაც რთული თამაში ელის. "ეტიჰადს" პრემიერლიგაში შემორჩენილი ერთადერთი ბეჭდაუდებელი გუნდი სტუმრობს.
რობერტო მარტინესს მასპინძელთა ვალი აქვს. მაისში სწორედ მისმა "უიგანმა" დაამარცხა "სიტი" ასოციაციის თასის ფინალში. ასე რომ, "სიტის" ფეხბურთელებს მოტივაციის პრობლემა არ უნდა ჰქონდეთ.
მიმდინარე პრობლემების გარდა აღსანიშნავია ისიც, რომ
კიდევ ერთი ფეხის დაცდენა და "სიტი" კონკურენტებს უკვე დიდ დისტანციაზე ჩამორჩება. უკან დახევა ნახევრად სიკვდილის ტოლფასია.
არის თუ არა ეს კრიზისი?
"სტედიუმ ოფ ლაითზე" ერთმანეთს კრიზისში მყოფი გუნდები ხვდებიან. "იუნაიტედში" მაქსიმალურად ცდილობენ მსგავს ფორმულირებას თავი აარიდონ, თუმცა ფაქტი ფაქტად რჩება: "ეშმაკებს" სასტარტო ტურის შემდეგ ერთადერთი მოგება აქვთ და ისიც აუტსაიდერ "კრისტალ პალასთან".
კარგია, რომ დღევანდელი მეტოქეც ამავე კლასიდან არის.
დევიდ მოიესის გუნდს ეს ამოცანას უადვილებს. "შავ კატებს" მოქმედ ჩემპიონთან მატჩში კევინ ბოლი გაიყვანს მინდორზე. სპეციალისტი ვისი პრემიერლიგური გამოცდილებაც სულ 11 თამაშს ითვლის. მაქსიმალური 33-დან მას სულ 5 ქულა აქვს აღებული. ასე რომ, თავად განსაჯეთ, რა შანსი შეიძლება ჰქონდეს მის გუნდს დღევანდელ შეხვედრაში.
"სანდერლენდის" პლუსად ვერც საშინაო კედლებს მივიჩნევთ, თუნდაც იმიტომ, რომ "იუნაიტედი" აქ ბოლოს 1997 წლის 8 მარტს დამარცხდა. აქედან მოყოლებული კი 12 შეხვედრაში 9-ჯერ იმარჯვა.
ლაზარეთი იცლება
"ლივერპულის" გულშემატკივარს შეუძლია დამშვიდდეს. ამ დღეებში ერთბაშად სამი ტრავმირებული მოთამაშე შეუდგება სრულფასოვან ვარჯიშს. ლაპარაკია გლენ ჯონსონზე, ჯო ალენსა და ალი სისოკოზე. თამაშს ისინი სანაკრებო შეხვედრებით გამოწვეული პაუზის შემდეგ შეძლებენ.
"ენფილდზე" წინა შეხვედრა მოულოდნელი ანგარიშით დასრულდა. მასპინძელმა "საუთჰემპტონთან" მინიმალური ანგარიშით წააგო. შესაბამისად, "წითლებს" დღეს რეაბილიტაცია მართებთ. ამისთვის კი სწორედ რომ მისწრებაა სტარიჯი-სუარესის დუეტის აღდგენა.
"წმინდანებთან" მარცხს თუ არ ჩავთვლით, ბრენდან როჯერსს შინ შესანიშნავი შედეგები აქვს. ექსპერტთა დიდი ნაწილი მიიჩნევს, რომ ჩრდილოირლანდიელს 3 ქულის ასაღებად დღესაც კარგი შანსები აქვს.
იან ჰოლოვეი და კომპანია ხომ მიმდინარე სეზონში სტუმრად ჩატარებულ შეხვედრებში მეტისმეტად უკბილოდ ირჯებიან - 3 თამაში 3 მარცხი და მხოლოდ 1 გოლი.
მერსისაიდელების უპირატესობაზე მეტყველებს სტატისტიკაც. "ლივერპულს" მეტოქე "ენფილდზე" 13-დან 10-ჯერ ჰყავს დამარცხებული.
ინგლისი. პრემიერლიგა. VII ტური
5 ოქტომბერი.
მანჩესტერი, "ეტიჰადი"
სიტი-ევერტონი 15:45
სავარაუდო შემადგენლობები
სიტი (4-2-3-1): ჰარტი - რიჩარდსი, კომპანი, ნასტასიჩი, კოლაროვი - ფერნანდინიო, ი. ტურე - დ. სილვა, ნასრი, აგუერო - ჯეკო
ევერტონი (4-2-3-1): ჰოვარდი - კოულმენი, დისტენი, იაგიელკა, ბეინსი - ოსმანი, ბერი - ნეისმიტი, ბარკლი, მაკარტი - ლუკაკუ
დისკვალიფიკაცია: არავინ
ტრავმა: მარტინ დემიჩელისი, ჯეკ როდუელი - დარონ გიბსონი, კევინ მირალიაში, სტივენ პიენაარი, ანტოლინ ალკარასი
ბოლო 6 მატჩი
+3=1-2 +3=3-0
ურთიერთშეხვედრები
სულ 156 თამაში: +58=40-58 (217-209)
კარდიფი-ნიუკასლი 18:00
დისკვალიფიკაცია: არავინ
ტრავმა: ანდრეას კორნელიუსი - რაიან ტეილორი, შოლა ამეობი, სტივენ ტეილორი
ბოლო 6 მატჩი
+2=2-2 +2=1-3
ურთიერთშეხვედრები
სულ 31 თამაში: +13=7-11 (42-50)
ფულჰემი-სტოკი 18:00
დისკვალიფიკაცია: არავინ
ტრავმა: მაარტენ სტეკელენბურგი, მეტიუ ბრიგსი, აარონ ჰიუზი, აშკან დეჟაგა, სკოტ პარკერი - მარკ მუნიესა, ჯონათან უოლტერსი, მეტიუ ეთერინგტონი
ბოლო 6 მატჩი
+1=1-4 +2=1-3
ურთიერთშეხვედრები
სულ 30 თამაში: +14=7-9 (44-33)
ჰალი-ასტონ ვილა 18:00
დისკვალიფიკაცია: არავინ
ტრავმა: ჟორეს ოკორე, გაბრიელ აგბონლაჰორი, ეშლი ვესტვუდი, კრისტიან ბენტეკე, შარლ ნზოგბია - ჯეიმს ჩესტერი, რობერტ კორენი, რობი ბრეიდი
ბოლო 6 მატჩი
+3=1-2 +3=0-3
ურთიერთშეხვედრები
სულ 5 თამაში: +0=0-5 (0-8)
ლივერპული-პალასი 18:00
დისკვალიფიკაცია: ლუკას ლეივა -
ტრავმა: გლენ ჯონსონი, ფილიპე კოუტინიო, სებასტიან კოატესი, ალი სისოკო, ჯო ალენი - პატრიკ მაკარტი, იანიკ ბოლასი, გლენ მარი, ჯონათან უილიამსი, ჯეკ ჰანტი, დემიენ დელენეი
ბოლო 6 მატჩი
+4=1-1 +1=0-5
ურთიერთშეხვედრები
სულ 27 თამაში: +15=6-6 (58-19)
სანდერლენდი-იუნაიტედი 20:30
დისკვალიფიკაცია: არავინ
ტრავმა: ფილ ბერდსლი, ანდრეა დოსენა, ვეს ბრაუნი, სტივენ ფლეტჩერი - რიო ფერდინანდი, დარენ ფლეტჩერი
ბოლო 6 მატჩი
+0=1-5 +2=1-3
ურთიერთშეხვედრები
სულ 114 თამაში: +33=27-54 (156-199)
6 ოქტომბერი
ნორვიჩი-ჩელსი 16:30
დისკვალიფიკაცია: - ფერნანდო ტორესი
ტრავმა: სებასტიან ბასონგი, ელიოტ ბენეტი, ხავიერ გარიდო, ნათან რედმონდი - მარკო ვან გინკელი, ედენ აზარი, ტომაშ კალაში
ბოლო 6 მატჩი
+2=1-3 +3=2-1
ურთიერთშეხვედრები
სულ 33 თამაში: +10=11-12 (38-47)
საუთჰემპტონი-სუონსი 16:30
დისკვალიფიკაცია: არავინ
ტრავმა: არავინ - ეშლი უილიამსი, ანხელ რანხელი
ბოლო 6 მატჩი
+3=2-1 +2=1-3
ურთიერთშეხვედრები
სულ 8 თამაში: +2=3-3 (10-12)
ტოტენჰემი-ვესტ ჰემი 19:00
დისკვალიფიკაცია: არავინ
ტრავმა: დენი როუზი, იუნეს კაბული, აარონ ლენონი, ემანუელ ადებაიორი, ეტიენ კაპუ - რაველ მორისონი, დენიელ პოტსი, ჯორჯ მონკური
ბოლო 6 მატჩი
+4=1-1 +1=2-3
ურთიერთშეხვედრები
სულ 101 თამაში: +44=23-34 (159-142)
ვესტ ბრომვიჩი-არსენალი 19:00
დისკვალიფიკაცია: არავინ
ტრავმა: ჯორჯ ტორნი, კემარ რუფი, ადილ ნაბი, საიდო ბერაინო, კემერონ გეილი - ბაკარი სანია, ლუკას პოდოლსკი, თეო უოლკოტი, ალექს ოქსლეიდ-ჩემბერლენი, სანტი კასორლა, იაია სანოგო, აბუ დიაბი, გედიონ ზელალემი
ბოლო 6 მატჩი
+2=2-2 +5=0-1
ურთიერთშეხვედრები
სულ 119 თამაში: +31=27-61 (153-211)
ბომბარდირები: 5 - დენიელ სტარიჯი (ლივერპული), 4 - კრისტიან ბენტეკე (ასტონ ვილა), ოლივიე ჟირუ (არსენალი), აარონ რემსი (არსენალი), იაია ტურე (მანჩესტერ სიტი)
ყოველდღიური სპორტული გაზეთი "ლელო"
