სამირ ნასრიმ თანაგუნდელებს შეუძახა, დროა გაპრანჭულ თამაშს თავი დავანებოთ და ულამაზო მოგებებზე გადავიდეთო. „არსენალის“ ვარსკვლავი, რომელიც ბოლო დროს საუცხოო ფორაშია და სამშობლოში, საფრანგეთში წლის საუკეთესო ფეხბურთელადაც აღიარეს, არ მალავს, რომ ზოგ „მეთოფეს“ მიგებაზე მეტად ლამაზად თამაშის სურვილს ამჩნევს. სწორედ ამის გამო გადაწყვიტა 23 წლის ალჟირელმა ხმის ამაღლება და უშნო, მაგრამ პროდუქტიული ფეხბურთისკენ მოწოდება.
ნასრიმ, რომელიც ბოლო ტურში, „ოლდ ტრეფორდზე“, „მანჩესტერ იუნაიტედთან“ 1:0 წაგებულ შეხვედრაში მონაწილეობდა, თქვა:
„ლამაზი გოლების გატანა და თვალსასეირო ფეხბურთის თამაში ჩემთვის დიდ სირთულ
მეორე ტაიმში ჩვენ უფრო საინტერესოდ დავიწყეთ თამაში, რადგან მასპინძლებმა გაგვიტანეს და გათანაბრება გვჭირდებოდა. მანამდე კი, პირველ ნახევარში, დაცვაში ვისხედით და „იუნაიტედის“ ინიციატივას ველოდით. ჩვენ, მოედანზე გაშლას ვერიდებოდით, რადგან „მანჩესტერ იუნაიტედი“ ის გუნდია, რომელიც ასეთ დროს სივრცეებს იოლად პოულობს და ამ სივრცეებით სარგებლობს. სწორედ ამიტომ ვაპირებდით ზურგის ჯგუფურად გამაგრებას და სანამ შესვენებამდე 4 წუთით ადრე გოლი არ გავუშვით ამას ვახერხებდით კიდეც.
შესვენების შემდეგ მოედანს უკვე სხვა განწყობითა და გეგმით დავუბრუნდით და ერთი-ორი მომენტიც შევქმენით, მაგრამ ანგარიშის გასათანაბრებლად ეს საკმარისი არ გამოდგა“.
კიდევ, ნასრიმ თქვა, რომ თამაშის დაწყებამდე ელაპარაკა „მანჩესტერ იუნაიტედის“ ვარსკვლავსა და საფრანგეთის ნაკრებში მის თანაგუნდელს, ზემოთ უკვე ნახსენებ პატრის ევრას, რომელმაც ამ მატჩამდე რამდენიმე დღით ადრე მიცემულ ინტერვიუში „არსენალს“ კბილი გაჰკრა.
„საერთოდ, კონფლიქტური კაცი არ ვარ და დაპირსპირება არავისთან მსურს, მაგრამ პატრისს ვუთხარი, რომ „არსენალზე“ ლაპარაკი მისი საქმე არ არის და თუ ჩვენთან ჯიბრი სურდა, ყველაფერს აჯობებდა თავისი უპირატესობა მოედანზე დაემტკიცებინა. ამ დღეს ცუდად არც ჩვენ ვითამაშეთ, მაგრამ წავაგეთ და ამიტომ ლაპარაკს აზრი არ აქვს. ვნახოთ, რა იქნება მაისში, ვინ უფრო მაღალ ადგილს დაიკავებს პრემიერლიგის საბოლოო ცხრილში“.
