ოსკარმა "ჩელსისთან" კონტრაქტი 2019 წლის ზაფხულამდე გაახანგრძლივა. ბრაზილიელი შემტევი, რომელიც 9 სექტემბერს 23 წლის გახდა, "სან პაულუს" აღზრდილია, მაგრამ "ლურჯებში" 2012 წელს "ინტერნასიონალიდან" გადავიდა. "სტემფორდ ბრიჯის" ბინადრებმა ოსკარ დოს სანტოს ემბოადა ჟუნიორში 19,35 მილიონი ფუნტი გადაიხადა. ოსკარს, რომელსაც კაკას ადარებდნენ, 11-ნომრიანი მაისურა მიაბარეს და მან თავიდანვე ვერა, მაგრამ პრემიერლიგას მალე აუღო ალღო და უდავოა, რომ უდიდესი პოტენციალის მქონე მოთამაშეა და ჟოზე მოურინიოს ერთ-ერთ მთავარ დასაყრდენს წარმოადგენს.
2012-13 წლების სეზონში ოსკარმა ჩემპიონთა ლიგაზე "იუვენტუსს" ძალიან ლამაზი გოლი გაუტანა, რომელიც "ჩელსის" წლის
მას ბრაზილიის ყველა ასაკობრივ ნაკრებში აქვს ნათამაშები - 15-წლამდელებიდან დაწყებული, ძირითადი გუნდის ჩათვლით. 20-წლამდელთა მსოფლიოს ჩემპიონატის ფინალში კი ბრაზილიას პორტუგალიასთან თავისი ჰეთ-თრიქით მოაგებინა - 3:2.
"მე აქ უკვე ორი წელია ვთამაშობ და ძალიან ბედნიერი ვარ. "ჩელსიში" ყოფნა და ინგლისში ცხოვრება მომწონს და მიხარია, რომ კიდევ 5 წლით მაინც ვრჩები" - აღნიშნა ოსკარმა.
ყოველდღიური სპორტული გაზეთი "ლელო"
![მოურინიოს მდიდრული ცხოვრება სტამბულში - მინიმუმ 1000 ფუნტი დღეში, "დონერ ქებაბი" და რა საკვები შედის პორტუგალიელის ყოველდღიურ მენიუში [PHOTOS]](/pictures/image7/480b51054f1680b7a8882ee94e27a592.jpeg "მოურინიოს მდიდრული ცხოვრება სტამბულში - მინიმუმ 1000 ფუნტი დღეში, \"დონერ ქებაბი\" და რა საკვები შედის პორტუგალიელის ყოველდღიურ მენიუში [PHOTOS]")
