„რა ხანია გუნდები საახალწლო დასვენებას ითხოვენ, ჰოდა, ინებეთ, - იხუმრა შოტლანდიის ნაკრების ყოფილმა მწვრთნელმა, რომლის ხელმძღვანელობით სქოთებმა თბილისში 2007 წელს საქართველოს ნაკრებთან 2:0 წააგეს – არა მგონია, რომ ამ დასვენების გამო
„ამ სეზონში ყველა ყველას უგებს და მშვიდად ვერც ერთ მეტოქესთან თამაშის წინ ვერ იქნები“, - დაადასტურა მანჩესტერელთა ვეტერანმა რაიან გიგზმა.
„მანჩესტერ სიტიმ“ კი გაიგულა „იუნაიტედი“ ქალაქიდან და ბირმინგემის მეორე გუნდს, „ასტონ ვილას“ მასპინძლობს. „სიტის“ კოლო ტურე უბრუნდება – ერთმატჩიანი დისკვალიფიკაცია მოიხადა. „ვილას“ ემილ ჰესკი ჰყავს დაშავებული და ითამაშებს თუ ვერა საღამომდე, თავადაც არ ეცოდინება. სტატისტიკის მოყვარულთათვის: „ვილას“ ისტლენდზე 2007 წლის მერე არ მოუგია.
„სტოკი“ „ფულჰემს“ მასპინძლობს და თავს იმით იგულიანებს, რომ „ბლექპულთან“ წაგებამდე საკუთარ კედლებში 9 შესაძლებლიდან 7 ქულა ჰქონდა მოპოვებული – ესე იგი „სახლის გუნდია“. „ფულჰემს“ კი „კრეივენ კოტეჯის“ გარეთ, გასული სეზონის პირველი ტურის მერე არ მოუგია.
„სანდერლენდი“ „ბლექპულს“ მასპინძლობს და ისიც ყინჩად არის, რადგან ამ სეზონში შინ არ აგებს, მაგრამ არც ზღვისპირელები არიან ყურჩამოყრილნი – სტუმრად 4 მოიგეს და 2 ფრედ ითამაშეს.
„ჩემპიონის ტიტული? რატომაც არა, გამორიცხული არაფერია, მაგრამ ბუქმეიქერები ლიდერთა შორის აუტსაიდერად მიგვიჩნევენ და კაცმა რომ თქვას მართლებიც არიან“ - მიკიბ-მოკიბა „ტოტენჰემის“ თავკაცმა ჰარი რედნაპმა „ნიუკასლთან“ მასპინძლობის წინ. ცნობისთვის: „დეზებმა“ „კაჭკაჭებს“ ბოლოს 2009 წლის აპრილში აჯობეს - 1:0.
„ბლექბერნი“ ვესტ ბრომვიჩში მიდის, რაც იმით არის საყურადღებო, რომ ეს გუნდის პირველი გასვლაა მას მერე, რაც ახალმა, ინდოელმა მეპატრონეებმა თანამდებობიდან სემ ელერდაისი დაიფრინეს. ისე, „ბლექბერნს“ ვესტ ბრომვიჩში 2002 წლის სექტემბრის მერე არ მოუგია.
„ევერტონს“ ბოლო 7 გასვლა არ წაუგია, ხოლო „აპტონ პარკზე“ ბოლო 4 სტუმრობა მოგებით დაასრულა, ასე რომ ფრთხილად „ვესტ ჰემო“!
მანჩესტერ სიტი-ასტონ ვილა 19:00
ტრავმა: ადებაიორი, ბრიჯი – ლ. იანგი, ე. იანგი, ჰესკი
სტოკი-ფულჰემი 19:00
ტრავმა: ეზერინგტონი - დემბელე, სენდეროსი, ზამორა, სტოორი
სანდერლენდი-ბლექპული 19:00
დისკვალიფიკაცია: ადამი (ბლექპული)
ტრავმა: მენსა, ტერნერი, კემპბელი – გილკსი, ბეშემი, კლერკი, ჰერევუდი, ელმონდი,
ტოტენჰემი-ნიუკასლი 19:00
დისკვალიფიკაცია: დეფო (ტოტენჰემი), ნოლანი (ნიუკასლი)
ტრავმა: გალასი, ჰადლსტოუნი (ორივე ტოტენჰემი)
ვესტ ბრომვიჩი-ბლექბერნი 19:00
დისკვალიფიკაცია: ბრანტი (ვესტ ბრომვიჩი)
ტრავმა: ტომასი – გრელა, ნზონზი, ენდრიუსი, რობერტსი, ფ. ჯონსი
ვესტ ჰემი-ევერტონი 21:30
დისკვალიფიკაცია: ენიჩიბე (ევერტონი)
ტრავმა: და კოსტა, ნობლი, კოლისონი, ბეჰრამი, ბარერა, მაკარტი – ოსმანი, ჰეიტინგა
ბირმინგემი-მანჩესტერ იუნაიტედი 24:00
ტრავმა: ჰლები, მაკფადენი – ჰარგრივზი, ო’ში, სქოულზი, ვალენსია
ხვალ
ჩელსი-ბოლტონი 23:45
უიგანი-არსენალი 23:45
ლივერპული-ვულვზი 24:00
