21 წლის ლორა უერჰენი, რომელიც "ნიუკასლის" ქალთა გუნდის მეკარეა, მიუხედავად ტრავმებისა, თამაშისთვის თავის დანებებას არაფრით აპირებს.ფეხბურთელმა გოგონამ თავის ხანმოკლე კარიერაში უკვე მეორედ მიიღო კისრის მალის მოტეხილობა. ლორა კვირას გამართულ მატჩში, "ბრედფორდთან" დაშავდა და მოედნიდან საკაცით პირდაპირ ჰოსპიტალში გააქანეს. თავიდან ექიმები თავის ქალის ფუძის მოტეხილობას შიშობდნენ, თუმცა პესიმისტური ვარაუდი არ გამართლდა.
"როდესაც შემცვალეს, გაცეცხლებული ვიყავი, რადგან თამაში კიდევ მსურდა. ტკივილი მხოლოდ სათადარიგოთა სკამზე ყოფნისას ვიგრძენი, ხოლო, როდესაც თერაპევტმა გასახდელში შემიყვანა, გონება დავკარგე. ძალიან შემეშინდა, როდესაც ექიმებმა ოპერაციის აუცილებლობაზე დაიწყეს ლაპარაკი.
