პრემიერლიგა. XXIV ტური: "სიტი" გადარჩა, ლიდერი "ჩელსი" კი წინ 7 ქულით გაიჭრა [VIDEO]

7 თებერვალს ინგლისურ პრემიერლიგაში XXIV ტურის შვიდი შეხვედრა გაიმართა.

სატურნირო ცხრილის ლიდერი "ჩელსი" ბირმინგემს ეწვია და 2:1 აჯობა "ასტონ ვილას". ვილიანის პასით ედენ აზარმა გახსნა ანგარიში, მაგრამ კარლეს ხილის ჩაწოდების შემდეგ თავურით ოკორემ გაათანაბრა. "ჩელსიმ" მეტოქის საჯარიმოში არეულობით ისარგებლა და გამარჯვების გოლი ბრანისლავ ივანოვიჩმა გაიტანა. მე-80 წუთზე "ჩელსიში" ხუან კუადრადოს დებიუტი შედგა, რომელიც ვილიანის ნაცვლად გამოვიდა.

ლონდონურ დერბიში "ტოტენჰემმა" 2:1 აჯობა "არსენალს" და სატურნირო ცხრილში გადაასწრო. პირველი ტაიმი "არსენალმა" მოიგო მესუთ იოზილის გოლით, მაგრამ მეორე ტაიმში დუბლი შეასრულა ჰარი კეინმა.

"მანჩესტერ სიტიმ" "ჰალს" უმასპინძლა და წაგებას გადარჩა. "სიტის" მცველების მიერ ერთ ეპიზოდში დაშვებული რამდენიმე უხეში შეცდომის წყალობით სტუმართა გუნდი ანგარიშში დაწინაურდა, თუმცა მასპინძლები მარცხისგან ბოლო წუთზე ჯეიმს მილნერმა გადაარჩინა, რომელმაც დიდებულად შეასრულა საჯარიმო დარტყმა - 1:1.

მერსისაიდულ დერბიში "ევერტონმა" "ლივერპულს" უმასპინძლა, დერბი უგოლოდ დასრულდა.

ლონდონში მსაჯის მიერ დამატებულ დროში შეძლო "საუთჰემპტონმა" უმწვრთნელოდ დარჩენილი "ქუინზ პარკის" გატეხვა - გამარჯვების გოლი მანემ გაიტანა - 0:1.

ალან პარდიუს "კრისტალ პალასმა" სტუმრად ლედლის თავურით დაამარცხა "ლესტერი" - 1:0.

"სუონსისთან" მატჩში სტუმარი "სანდერლენდი" ჯერმეინ დეფომ დააწინაურა, მაგრამ კორეელმა კიმ თავურით "სუონსის" ქულა მოუტანა - 1:1.

ტურის დანარჩენი შეხვედრები 8 თებერვალს გაიმართება.

ინგლისი. პრემიერლიგა. XXIV ტური
7 თებერვალი
ტოტენჰემი-არსენალი 2:1
გოლები: 0:1 იოზილი (11), 1:1 კეინი (56), 2:1 კეინი (86)

ასტონ ვილა-ჩელსი 1:2
გოლები: 0:1 აზარი (8), 1:1 ოკორე (48), 1:2 ივანოვიჩი (66)

ლესტერი-კრისტალ პალასი 0:1
გოლი: 0:1 ლედლი (55)

მანჩესტერ სიტი-ჰალი 1:1
გოლები: 0:1 მეილერი (35), 1:1 მილნერი (92)

ქუინზ პარკი-საუთჰემპტონი 0:1
გოლი: 0:1 მანე (93)

სუონსი-სანდერლენდი 1:1
გოლები: 0:1 დეფო (42), 1:1 კი (66)

ევერტონი-ლივერპული 0:0

კვირა. 8 თებერვალი
ბარნლი-ვესტ ბრომვიჩი 16:00
დისკვალიფიკაცია: არავინ
ტრავმა: უარდი, ლონგი - მულუმბუ, მაიჰილი
ბოლო 6 მატჩი
+1 =2 -3 +1 =2 -3
ურთიერთშეხვედრები
სულ 87 თამაში: +36 =17 -34 (144-143)

ნიუკასლი-სტოკი 18:05
დისკვალიფიკაცია: არავინ
ტრავმა: დამეტი, აარონსი, ელიოტი, ს. ტეილორი - პიტერსი, ოდემვინგი, დიონატანი, ბოიანი
ბოლო 6 მატჩი
+2 =1 -3 +4 =1 -1
ურთიერთშეხვედრები
სულ 69 თამაში: +31 =16 -22 (113-83)

ვესტ ჰემი-მანჩესტერი 20:15
დისკვალიფიკაცია: არავინ
ტრავმა: ჯენკინსონი, ტომკინსი, სახო - კერიკი
ბოლო 6 მატჩი
+1 =2 -3 +3 =2 -1
ურთიერთშეხვედრები
სულ 105 თამაში: +30 =23 -52 (135-204)