გოლი, რომელიც ედენ აზარს პრემიერლიგაში საუკეთესოს პრიზს მოუტანს [VIDEO]

"წითელ ეშმაკებს" გამარჯვების გოლი ედენ აზარმა გაუტანა. აზარი, ბევრის აზრით, პრემიერლიგის სეზონის ფეხბურთელად დასახელდება. ამ სტატუსისთვის ბრძოლაში ბელგიელი ფავორიტად მიიჩნევა და ეს გოლი მას ხელს ძალიან შეუწყობს.

წინა სეზონში აზარი მეორე ადგილზე გავიდა, მას ლუის სუარესმა აჯობა. სამაგიეროდ, ბელგიელი წლის საუკეთესო ახალგაზრდა მოთამაშედ აღიარეს.

წლის ფეხბურთელად დასახელების კანდიდატები არიან: დიეგო კოშტა (ჩელსი), ედენ აზარი (ჩელსი), ფილიპე კოუტინიო (ლივერპული), ჰარი კეინი (ტოტენჰემი), ალექსის სანჩესი (არსენალი) და დავიდ დე ხეა (მანჩესტერი).

ბოლო 10 წლის გამარჯვებულების სია ასე გამოიყურება:
2013/14 ლუის სუარესი
2012/13 გარეთ ბეილი
2011/12 რობინ ვან პერსი
2010/11 გარეთ ბეილი
2009/10 უეინ რუნი
2008/09 რაიან გიგსი
2007/08 კრიშტიანო რონალდო
2006/07 კრიშტიანო რონალდო
2005/06 სტივენ ჯერარდი
2004/05 ჯონ ტერი

წლის საუკეთესო ახალგაზრდა ფეხბურთელის წოდებისთვის კი შემდეგი მოთამაშეები იბრძვიან: ტიბო კურტუა (ჩელსი), ედენ აზარი (ჩელსი), ფილიპე კოუტინიო (ლივერპული), ჰარი კეინი (ტოტენჰემი), დავიდ დე ხეა (მანჩესტერ იუნაიტედი) და რაჰიმ სტერლინგი (ლივერპული).

საუკეთესო ახალგაზრდათა ნომინაციაში კურტუა და სტერლინგი, ცოტა არ იყოს, დაჩაგრულები არიან, რადგან დანარჩენი ოთხი კანდიდატი მთლიანად წლის საუკეთესოთა კანდიდატებშიც გვხვდება და მინი-პარადოქსი იქნება, ამ ფონზე კურტუამ ან სტერლინგმა რომ მოახერხონ გამარჯვება.

ბოლო 10 წლის გამარჯვებულების სია ასე გამოიყურება:
2013/14 ედენ აზარი
2012/13 გარეთ ბეილი
2011/12 კაილ უოკერი
2010/11 ჯეკ უილშირი
2009/10 ჯეიმს მილნერი
2008/09 ეშლი იანგი
2007/08 სესკ ფაბრეგასი
2006/07 კრიშტიანო რონალდო
2005/06 უეინ რუნი
2004/05 უეინ რუნი

ყოველდღიური სპორტული გაზეთი "ლელო"