პრემიერლიგა. XXXVII ტური: სტივენ ჯერარდის გამოთხოვება "ენფილდთან" [VIDEO]

ვიდეო: ლივერპული-კრისტალ პალასი 1:3

16 მაისს ინგლისის პრემიერლიგის 37-ე ტურის 7 შეხვედრა გაიმართა.

"ლივერპულმა" "კრისტალ პალასს" უმასპინძლა და მოულოდნელად, 1:3 წააგო. არადა, თავიდან ადამ ლალანას გოლით დაწინაურდა. ტაიმის მიწურულს ჯეისონ პოანჩეონმა გაათანაბრა. მეორე ტაიმში უილფრიდ ზაჰამ სტუმრები დააწინაურა, ხოლო ბოლო წუთზე გლენ მიურეიმ პენალტი შეასრულა და მხოლოდ დამატებაზე გაიტანა.

ეს იყო "ლივერპულის" კაპიტნისა და ლეგენდის, სტივენ ჯერარდის უკანასკნელი თამაში "ენფილდზე" "ლივერპულის" მაისურით. კაპიტანს, მხურვალე გაცილება მოუწყვეს, ის მომავალ სეზონს "ლოს ანჯელეს გალაქსიში" გაატარებს.

სტივენ ჯერარდი (ლივერპული): "ძალიან უჩვეულო იყო, ემოციებისგან დავიცალე. ცუდია, რომ ამ ფანებისთვის ვეღარ ვითამაშებ. მადლობა მათ, ისინი მსოფლიოში ყველაზე ერთგულები არიან. ბევრი კლუბის ფანები მინახავს კარიერის განმავლობაში, მაგრამ ჩვენები მსოფლიოში საუკეთესონი არიან. მივდივარ, მაგრამ კლუბი საიმედო ხელში, "ლივერპულს" კარგი მეპატრონეები და შესანიშნავი მწვრთნელი, ბრენდან როჯერსი ჰყავს".

სხვა მატჩებიდან აღსანიშნავია "საუთჰემპტონის" 6:1 გამარჯვება "ასტონ ვილაზე". მარცხის მიუხედავად, ტიმ შერვუდის გუნდმა პრემიერლიგაში ადგილი შეინარჩუნა.

ამ შეხვედრაში პრემიერლიგის რეკორდი დამყარდა - სადიო მანემ 2 წუთსა და 56 წამში შეასრულა ჰეთ თრიკი. მან რობი ფაულერის რეკორდი დაამხო, რომელიც 4 წუთსა და 33 წამს შეადგენდა.

სენეგალელმა ნახევარმცველმა ერთი საგოლე პასიც მიითვალა, მან გრაციანო პელეს გაატანინა. შეინ ლონგმა ამ შეხვედრაში 2 გოლი და 2 საგოლე პასი მიითვალა. ბოლოს ასეთი რამ ლუის სუარესმა შეძლო პრემიერლიგაში.

სტუმართა პრესტიჟის გოლი კრისტიან ბენტეკეს ანგარიშზეა.

საუთჰემპტონი-ასტონ ვილა 6:1
გოლები: 1:0 მანე (13), 2:0 მანე (14), 3:0 მანე (16), 4:0 ლონგი (26), 5:0 ლონგი (38), 5:1 ბენტეკე (45), 6:1 პელე (81)

ბარნლი-სტოკი 0:0

ქპრ-ნიუკასლი 2:1
გოლები: 0:1 რივიერი (24), 1:1 ფილიპსი (54), 2:1 ფერი (61)

სანდერლენდი-ლესტერი 0:0

ტოტენჰემი-ჰალი 2:0
გოლები: 1:0 შადლი (54), 2:0 როუზი (61)

ვესტ ჰემი-ევერტონი 1:2
გოლები: 1:0 დაუნინგი (62), 1:1 ოსმანი (68), 1:2 ლუკაკუ (93)

ლივერპული-კრისტალ პალასი 1:3
გოლები: 1:0 ლალანა (26), 1:1 პანჩეონი (43), 1:2 ზაჰა (60), 1:3 მურეი (91)
შენიშვნაL: მურეიმ (კრ. პალასი) ვერ გამოიყენა პენალტი (91)

1. ჩელსი - 84 ქულა; 2. სიტი - 73; 3. არსენალი - 70; 4. მანჩესტერი - 68; 5. ლივერპული - 62.