პრემიერლიგა. XXIV ტური: სამეული დღეიდან: "ლესტერი", "სიტი", "ტოტენჰემი" [VIDEO]

წუხელ ინგლისის პრემიერლიგის 24-ე ტურის 8 შეხვედრა გაიმართა, რამაც ძირფესვიანად შეცვალა სატურნირო ცხრილის კენწერო.

დღეიდან სამეულში არ არის არსენ ვენგერის "არსენალი", რომელმაც ვერაფრით დაამარცხა "საუთჰემპტონი" - 0:0. ლონდონელებმა წინ თანაქალაქელი "ტოტენჰემი" გაუშვეს. მაურისიო პოჩეტინოს გუნდმა სტუმრად უპრობლემოდ მოუგო "ნორვიჩს" - 3:0. "ტოტენჰემს" და "არსენალს" 45-45 ქულა აქვთ.

"სიტიმ", რომელსაც მომავალი სეზონიდან პეპ გვარდიოლა ჩაიბარებს, სტუმრად 1:0 დაამარცხა "სანდერლენდი". რა თქმა უნდა, "ქალაქელებს" სერხიო აგუეროს ეულმა გოლმა მოაგებინა.

მანუელ პელეგრინის გუნდი კვლავ სამი ქულით ჩამორჩება ლიდერ "ლესტერ სიტის". აი, მთავარ თამაშსაც მივადექით - კლაუდიო რანიერის "მელიებმა" 2:0 მოუგეს იურგენ კლოპის "ლივერპულს". ორივე გოლი ჩემპიონატის მთავარი მეგოლის, ჯეიმი ვარდის ანგარიშზეა.

განსაკუთრებით ლამაზი მისი პირველი გოლი იყო, ასისტენტად კი "ლესტერის" კიდევ ერთი ლიდერი რიად მაჰრეზი მოგვევლინა. ვარდის ანგარიშზე უკვე 18 გოლია ჩემპიონატში. აი, კლოპის "ლივერპულის" საშველი არ ჩანს, გუნდი მერვე ადგილზეა და ტურის დასრულებამდე შესაძლოა, კიდევ ჩაინაცვლოს ცხრილში.

ლუი ვან გაალის "მანჩესტერი" კი პირიქით, გამოსწორების გზას დაადგა - "იუნაიტედმა" შინ 3:0 მოუგო "სტოკ სიტის" ლინგარდის, მარსიალისა და რუნის გოლების წყალობით.

დღეს ორი თამაში გაიმართება, აღვნიშნავთ "უოტფორდისა" და "ჩელსის" დაპირისპირებას.

2 თებერვალი
ვესტ ჰემი-ასტონ ვილა 2:0
გოლები: 1:0 ანტონიო (58), 2:0 კუიატე (85)
ვესტ ჰემი (4-3-3): ადრიანი - კრისუელი, რიდი, კოლინსი, ტომკინსი - კუიატე (90+3. ობიანგი), ნოუბლი, სონგი - ანტონიო (89. იელავიჩი), ვალენსია (86. მოზესი), პაიე
ასტონ ვილა (4-3-3): ბანი - რიჩარდსი, ოკორე, ლესკოტი, სისოხო - ვერეტო, გეიე, ბაკუნა - ხილი (71. რიჩარდსონი), ჯ. აიუ, აგბონლაჰორი (81. სინკლერი)
გაფრთხილება: სონგი, კოლინსი, ნოუბლი -
გაძევება: ჯ. აიუ (17)
კუთხური: 5-5 ჯარიმა: 9-11 თამაშგარე: 5-0 კარში დარტყმა: 25(6)-6(2) ბურთის ფლობა: 68%-32%
მაყურებელი: 34 914

ლესტერი-ლივერპული 2:0
გოლები: 1:0 ვარდი (60), 2:0 ვარდი (71)
ლესტერი (4-4-2): შმეიხელი - სიმპსონი, მორგანი, ჰუტი, ფუხსი - მაჰრეზი (90. ულოა), დრინკვოტერი, კანტე, ოლბრაიტონი (79. გრეი) - ვარდი, ოკაზაკი (87. კინგი)
ლივერპული (4-3-3): მინოლე - კლაინი, ლოვრენი, სახო, კ. ტურე, მორენო - ლუკასი, ჯანი (75. ალენი), ჰენდერსონი (66. ბენტეკე) - ლალანა, მილნერი, ფირმინო (87. ჯოაო კარლოსი)
გაფრთხილება: - ლუკასი
კუთხური: 3-12 ჯარიმა: 6-7 თამაშგარე: 3-2 კარში დარტყმა: 13(6)-14(2) ბურთის ფლობა: 36%-64%
მაყურებელი: 32 121

სანდერლენდი-სიტი 0:1
გოლი: 0:1 აგუერო (16)
სანდერლენდი (5-3-2): მანონე - ჯონსი, კონე, ო’ში, ქაბული, ვან ანჰოლტი - მ’ვილა, კატერმოლი (75. ჯონსონი), ლენსი (46. ხაზრი) - ბორინი (82. ნ’დოი), დეფო
სიტი (4-2-3-1): ჰარტი - სანია, ოტამენდი, დემიკელისი, კლიში - ფერნანდინიო, იაია ტურე (79. კოლაროვი) - დავიდ სილვა, ნავასი (76. სტერლინგი), იჰეანაჩო (46. ფერნანდო) - აგუერო
გაფრთხილება: ჯონსი - ოტამენდი, აგუერო, ფერნანდინიო, სანია
კუთხური: 8-4 ჯარიმა: 6-15 თამაშგარე: 4-2 კარში დარტყმა: 11(2)-6(2) ბურთის ფლობა: 49%-51%
მაყურებელი: 38 852

არსენალი-სუთჰემპტონი 0:0
არსენალი (4-2-3-1): ჩეხი - ბელერინი, გაბრიელი, კოშელნი, მონრეალი - რემზი, ფლამინი (85. კოკლენი) - კემპბელი (62. უოლკოტი), იოზილი, სანჩესი - ჟირუ
საუთჰემპტონი (4-3-3): ფორსტერი - სედრიკი, ვან დეიკი, ფონტე, ბერტრანი - უორდ-პრაუსი (83. ხუანმი), ვანიამა, რომეუ - ტადიჩი (69. პელე), მანე (86. ტარგეტი), ლონგი
გაფრთხილება: კოკლენი, გაბრიელი - სედრიკი
კუთხური: 13-3 ჯარიმა: 11-19 თამაშგარე: 0-2 კარში დარტყმა: 21(10)-14(3) ბურთის ფლობა: 67%-33%
მაყურებელი: 60 044

ნორვიჩი-ტოტენჰემი 0:3
გოლები: 0:1 ალი (2), 0:2 კეინი (30-პენ.), 0:3 კეინი (90)
ნორვიჩი (4-4-1-1): დ. რადი - ივო პინტო, კლოზე, ბასონგი, ოლსონი - ტეტი, მულუმბუ, ჰოუსონი, ჯერვისი (70. ჯერომი) - ნეისმიტი (74. ოფოე) - მბოკანი
ტოტენჰემი (4-2-3-1): ლორისი - უოკერი, ალდერვეირელდი, ვიმერი, როუზი - დემბელე, დაიერი - ალი (46. შადლი), ერიკსენი (90+1. ლამელა), სონი (70. კეროლი) - კეინი
გაფრთხილება: ბასონგი, ტეტი - ალდერვეირელდი, როუზი
კუთხური: 6-8 ჯარიმა: 8-9 თამაშგარე: 5-0 კარში დარტყმა: 10(2)-17(6) ბურთის ფლობა: 46%-54%
მაყურებელი: 27 067

კრ. პალასი-ბორნმუთი 1:2
გოლები: 1:0 დანი (27), 1:1 პიუ (34), 1:2 აფობე (57)
კრ. პალასი (4-2-3-1): ჰენესი - უორდი, დანი, დელანი, სუარე - იედინაკი, მაკარტური (46. მატჩი) - პანჩონი, ზაჰა, ლი იონი (68. შამახი) - კემპბელი (58. ადებაიორი)
ბორნმუთი (4-1-4-1): ბორუცი - სმიტი, ფრანსისი, კუკი, დენიელსი - სურმენი - პიუ, გოსლინგი, არტერი (90+3. დისტენი), რიტჩი (85. გრაბანი) - აფობე (75. კუკი)
გაფრთხილება: ზაჰა, დანი, იედინაკი - ფრანსისი, კუკი, სმიტი, გრაბანი
კუთხური: 5-3 ჯარიმა: 11-15 თამაშგარე: 3-0 კარში დარტყმა: 14(3)-8(4) ბურთის ფლობა: 50%-50%
მაყურებელი: 24 855

მანჩესტერი-სტოკი 3:0
გოლები: 1:0 ლინგარდი (14), 2:0 მარსიალი (23), 3:0 რუნი (53)
მანჩესტერი (4-2-3-1): დე ხეა - დარმიანი, სმოლინგი, ბლინდი, ბორტვიკ-ჯექსონი - კერიკი, ფელაინი (80. ერერა) - ლინგარდი, მატა (88. პერეირა), მარსიალი (79. დეპაი) - რუნი
სტოკი (4-2-3-1): ბატლენდი - ჯონსონი, ვოლშაიდი (30. ბერდსლი), მუნიესა, პიტერსი - უელანი, აფელაი - ბოიანი (60. აირლენდი), უოლტერსი, არნაუტოვიჩი - კრაუჩი
გაფრთხილება: დარმიანი, მარსიალი - აირლენდი
კუთხური: 2-5 ჯარიმა: 13-13 თამაშგარე: 3-1 კარში დარტყმა: 15(5)-10(0) ბურთის ფლობა: 47%-53%
მაყურებელი: 75 234

ვესტ ბრომვიჩი-სუონსი 1:1
გოლები: 0:1 სიგურდსონი (64), 1:1 რონდონი (90+2)
ვესტ ბრომვიჩი (4-3-3): ფოსტერი - დოუსონი, მაკკოლი, ოლსონი, ევანსი (53. გარდნერი) - ფლეტჩერი, იაკობი, სანდრო (69. ანიჩებე) - სესენიონი (62. ბერაჰინო), მაკკლინი, რონდონი
სუონსი (4-2-3-1): ფაბიანსკი - ანხელ რანხელი, ფერნანდესი, უილიამსი, ტეილორი (59. ნოტონი) - ბრიტონი, კი (45+2. პალოსკი) - კორკი, სიგურდსონი, რუტლეჯი - ა. აიუ (82. ამატი)
გაფრთხილება: -
კუთხური: 7-7 ჯარიმა: 12-13 თამაშგარე: 2-0 კარში დარტყმა: 16(6)-18(4) ბურთის ფლობა: 45%-55%
მაყურებელი: 22 062

3 თებერვალი
უოტფორდი-ჩელსი 23:45
ევერტონი-ნიუკასლი 23:45

ბომბარდირები: 18 - ჯეიმი ვარდი (ლესტერი); 15 - რომელუ ლუკაკუ (ევერტონი), ჰარი კეინი (ლესტერი); 14 - ოდიონ იგალო (უოტფორდი); 13 - რიად მაჰრეზი (ლესტერი), სერხიო აგუერო (სიტი); 12 - ოლივიე ჟირუ (არსენალი); 9 - ჯერმინ დეფო (სანდერლენდი), ჯორჯინიო ვეინალდუმი (ნიუკასლი); 8 - ანდრე აიუ (სუონსი), დიეგო კოსტა (ჩელსი); 7 - მარკო არნაუტოვიჩი (სტოკი), უეინ რუნი (მანჩესტერი), დელე ალი (ტოტენჰემი).

ყოველდღიური სპორტული გაზეთი "ლელო"